کۆشکی سپی: بایدن چاودێریی ڕووداوە نائاساییەکانی سووریا دەکات

ئاڤا نیوز

 

دوای کەوتنی ڕژێمی بەشار ئەسەد و ڕاگەیاندی کۆنتڕۆڵکردنی دیمەشقی پایتەختی سووریا لەلایەن هێزەکانی دەستەی تەحریرولشام،  کاردانەوەی جیهانی لێکەوتەوە و کۆشکی سپی ڕایگەیاند، لە نزیکەوە چاودێریی ڕووداوەکان دەکەین.

 
وێنەگەورەکە: لە 27 نۆڤمبەری مانگی ڕابردوو ئۆپۆزیسیۆنی سووریا دەستی بە هێرش کرد و شاری حەلەب و حەما و درعا و ئیدلبی کۆنترۆڵکرد و ئەمڕۆش دیمەشقی پایتەختی کۆنترۆڵکرد، هاوکات ئۆپۆزسیۆنی سووریا ڕایگەیاند، بە تەواوی رژێمی بەشار ئەسەد کۆتایی پێهات.

 

ڕاگەیێنراوی فەرمی: ڕۆژی شەممە ، کۆشکی سپی ڕایگەیاند: جۆ بایدن، سەرۆکی ئەمریکا بە وردی چاودێریی "ڕووداوە نائاساییەکان" دەکات کە لە سوریا ڕوودەدەن، ئەمەش دوای ئەوەی ڕاگەیێنرا  بەشار ئەسەد، سەرۆکی سووریا لە وڵات هەڵاتووە و دیمەشق لەلایەن تەحریرولشام کۆنتڕۆڵکرا.

 

لەلایەکی دیکەوە: شۆن ساڤێت: وتەبێژی ئەنجوومەنی ئاسایشی نیشتمانی لە بەیاننامەیەکدا گوتی، سەرۆک بایدن و تیمەکەی لە نزیکەوە چاودێری ڕووداوە نائاساییەکانی سووریا دەکەن و بەردەوام لە پەیوەندیدایە  لەگەڵ هاوبەشەکانی لە سووریا.