دووەم كۆنگرەی كۆنفیدراسیۆنی ڕەوەندی كوردستانی لە بەرلین دەستپێدەكات

ئاڤا نیوز

ئەمڕۆ دووەمین كۆنگرەی ساڵانەی كۆنفیدراسیۆنی ڕەوەندی كوردستامی لە بەرلین دەستپیدەکات، هاوکات وتاری سەرۆك بارزانی لەلایەن شیفا بارزانی، سەرپەرشتیاری گشتیی ڕەوەندی كوردستانی دەخوێندرێتەوە.

 

وێنە گەورەكە: كۆنگرەی ساڵانەی كۆنفیدراسیۆنی ڕەوەندی كوردستانی بە بەشداری 300 كەسایەتی لە سەرانسەری جیهان كە نوێنەرایەتی دەیان كۆمەڵە و ڕێكخراوی كوردستانی دەكەن، لە شاری بەرلینی پایتەختی ئەڵمانیا بەڕێوەدەچێت، كە بۆ ماوەی دوو ڕۆژ بەردەوام دەبێت.

 

ڕاگەیێنراوی فەرمی: دوای وتاری بەخێرهاتن لەلایەن سەرۆكی كوردانی دیاسپۆرا، شیفا بارزانی سەرپەرشتیاری گشتیی ڕەوەندی كوردستانی، وتاری سەرۆك بارزانی دەخوێنێتەوە. هەر لە میانی دەسپێكی كۆنگرەكە هەریەك لە هونەرمەندان ئەیوب عەلی، یەكبوون، حەسەن شەریف و دڵنیا ڕەزازی چەند پارچە گۆرانییەک پێشكەش دەكەن.

 

زانیاریی زیاتر: سەرچاوەیەك لە نووسینگەی دیاسپۆرا بە ئاڤا میدیای ڕاگەیاند، بەشداربووانی كۆنگرە لە سەرجەم وڵاتانی ئەوروپا، ئەمریكا، كەنەدا، كازاخستنان، ژاپۆن، نیوزیلاندا، قیرغستان و چەند شوێنێكی دیكەی جیهانەوە هاتوون.

 

بۆچی گرنگە: ئامانج لە بەستنی كۆنگرەی ساڵانەی كۆنفیدراسیۆنی ڕەوەندی كوردستانی، زامنكردنی یەكگرتوویی كوردانی دیاسپۆرایە لەپێناو پاراستنی شوناس و زمان و كولتوری كوردی.