![ڕووداوەکانی کوشتن و بڕین لە عێراق سەرهەڵدەدەنەوە](/_next/image?url=https%3A%2F%2Fassets.ava.news%2Fnews%2F1742%2FuL83Fq9apWiXMYT8jhWU.jpg&w=3840&q=100)
چەند سەربازێکی عێراقی. گرافیک: ئاڤا نیوز
ئاڤا نیوز
لە ماوەی شەش ڕۆژدا لانیکەم 12 کەس لە چەند پارێزگایەکی ناوەڕاست و باشووری عێراق کوژراون، زۆرینەی ڕووداوەکانیش لە شاری بەغدان.
لە شارەکانی عێراق چی ڕوودەدات؟
لە پارێزگاکانی بەغدا، میسان و دیالە سێ ڕووداوی کوشتنی جیاواز ڕوویانداوە؛ لە بازاڕی مرێدی بەغدا شەڕەتەقە لە نێوان چەند کەسێک دروست بووە و کەسێک کوژراوە. لە دیالە دوو چەکدار کە بەسواری ماتۆڕێکەوە بوون، تەقەیان لە شۆفێری مینی پاسێک کردووە و کوشتوویانە. لە شاری عەمارە چەکدارێک هەڵیکوتایە سەر ماڵێک، ژنێکی لەسەر "کێشەی قەرز" کوشتووە و هەڵهاتووە.
ڕۆژی شەممەی ڕابردوو، لە ناوچەی بەغدا جدیدەی شاری بەغدا، چەند چەکدارێک دەستڕێژیی گولـلەیان لە چەند کەسێک کردووە، هاووڵاتییەک کوژراوە و کەسێکی دیکەش برینداربووە، تەقەکارەکان ئەفسەری نووسینگەی وەزیری ناوخۆ بوون.
لە شاری کوت، هاووڵاتییەکی تەمەن 40 ساڵ لەلایەن کەسانی نەناسراوەوە کوژرا، دەزگا ئەمنییەکان هۆکاری کوشتنەکەیان بۆ ناکۆکی لەسەر زەویزار گەڕاندووەتەوە. هەر لە کوت، گەنجێکی دیکە کوژراوە، دەزگا ئەمنییەکانیش ڕایانگەیاندووە: "پێداچوونەوە بە دۆخی ئەمنی شارەکەدا دەکەن".
ڕۆژی هەینی ڕابردوو، لە شارۆچکەی مەدائینی باشووری ڕۆژهەڵاتی بەغدا، تەرمی ژنێک لە ماڵەکەی خۆیدا دۆزرایەوە و هێزە ئەمنییەکان براکانیان بە کوشتنی "تۆمەتبار" کرد. لە هەمان ڕۆژدا هێزە ئەمنییەکان لە شارۆچکەی گەرمەی بەنی سەعید لە زیقار، تەرمی کچێکی 30 ساڵیان لە کەلاوەیەکدا دۆزییەوە.
ڕۆژی پێنج شەممە، لە ناسریە تەرمی ژنێک دۆزرایەوە کە منداڵێکی شیرەخۆری لە تەنیشتەوە بوو؛ لە هەمان ڕۆژدا لە شارۆچکەی گەرمە شەڕەتەقە ڕووی دا و کەسێکی 70 ساڵان کوژرا. هەرمان ڕۆژیش لە ناوچەی ئەبو دشیری باشووری بەغدا، بەهۆی ناکۆکی عەشایەری کەسێک کوژرا.
ڕۆژی دووشەممەی ڕابردوو، ئەیسەر خەفاجی، ئەندامی ڕەوتی سەدر لە بابل کوژرا و لایەنگرانی ڕەوتی سەدر هەڕەشەی تۆڵەسەندنەوەیان لە عەسائیبی ئەهلی حەق کرد؛ موقتەدا سەدر داوای کرد هیچ کاردانەوەیەک بەرامبەر کوژرانی خەفاجی نیشان نەدەن و بەنزین نەکەن بەو ئاگرەی هەندێک "میلیشیای بێ ئابڕوو" دەیانەوێت لە بابل هەڵیبگرسێنن.
پێش ئەوەش سەبری عامری، هاوەڵزاوای هادی عامری سەرۆکی ڕێکخراوی بەدر لە بەغدا، لەگەڵ کەسێکی دیکە دەستڕێژیی گولـلەیان لێکرا و هاوەڵزاواکەی هادی عامری کوژرا.
لە گەڕەکی قادسیەی بەغدا، چەند چەکدارێک دەستڕێژیی گولـلەیان لە ئۆتۆمبێلەکەی فەخری کەریم، سەرۆکی دەزگای مەدا کرد و ڕایانکرد؛ هەر لە بەغدا تەقە لە کاروانی ئۆتۆمبێلەکانی پەرلەمانتارێکی عێراق کرا.
لەلایەکی دیکەوە: دۆخی ئەمنی بەشێوەیەک پاشەکشەی کردووە، وەزارەتی ناوخۆی عێراق خاوەن دەرمانخانەکانی سەرپشک کردووە بۆ هەڵگرتنی چەک.
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن