لە سەرەتای ئەمساڵەوە داعش 116 كەسی لە سووریا كوشتووە

ئاڤا نیوز

لە ئەنجامی هێرشەكانی داعش لە سەرەتای ئەمساڵەوە، تاوەكو ئێستا 116 سەرباز و  هاووڵاتیی سڤیل لە سووریا كوژراون.

چیرۆكی سەرەكی: لە سەرەتای ئەمساڵەوە شانەكانی داعش لە ڕێگەی بۆسە، هێرشی چەكداری و تەقینەوە 50 هێرشیان لە ڕۆژئاوای فورات و بیابانی دێرەزۆر و ڕەققە و حومس كردووە. ڕەوانگەی سووری بۆ مافەكانی مرۆڤ وا دەڵێت.

ژمارەكان وا دەڵێن: 101 كەس لەوانەی بەهۆی هێرشەكانی داعشەوە كوژراون لە هێزەكانی حكومەتی سووریا و میلیشیاكانی سەر بەوان و ئێرانن، 11 كەسی دیكەش هاووڵاتی سڤیلن، جگە لەوەش لە ئەنجامی ئەو هێرشانە 17 چەكداری داعش كوژراون.

ئەوەی پێویستە بیزانیت: سەرەڕای شكستپێهێنان و نەمانی هیچ پێگەیەكى لە عێراق و سووریا لەژێر كۆنترۆڵیدا، بەڵام تا دێت هێرش و چالاكییەكانی داعش لەو دوو وڵاتە زیاتر دەبنەوە.