ریشی سووناک بۆ ڕۆژئاوا: پارە بلۆککراوەکانی ڕووسیا بە ئۆکراینا بدەن

ئاڤا نیوز

ڕیشی سووناک، سەرۆکوەزیرانی بەریتانیا ڕایگەیاند، پێویستە سەرکردەکانی ڕۆژئاوا ئەوەنە بوێرییان هەبێت کە بتوانن پارە بلۆککراوەکانی ڕووسیا" بدەن بە ئۆکراینا.

بۆچی گرنگە: ئۆکراینا پێویستی بە پاڵپشتی سەربازی وڵاتانی رۆژئاوا هەیە بۆ ئەوەی لەم شەڕە نەدۆڕێت. پێدانی ئەو بڕە پارەیەی ڕووسیا وادەکات داهاتەکەی لە دژی خۆی بەکاربهێنرێتەوە.

وێنە گەورەکە: لە دووەم ساڵیادی هەڵگیرسانی شەڕی ئۆکراینا، ریشی سوناکی سەرۆکوەزیرانی بەریتانیا لەچوارچێوەی پێویستییەکانی ئۆکراینیا بۆ چەک و کەرەستە سەربازی، پێشنیاز دەکات وڵاتانی رۆژئاوا بوێری بنوێنن و پارەکانی ڕووسیا کە لە بانکەکاندا بلۆککراون بۆ ئۆکراینیای بنێرن.

زانیاری زیاتر: ڕۆژی شەممە، بەریتانیا بریاریدا بە بڕی 311 ملیۆن دۆلار پاڵپشتی سەربازی بۆ ئۆکراینیا دابین بکات.

لەلایەکی دیکەوە: گرووپی حەوت، باس لەوە دەکەن، ئەگەری دەستبەسەرداگرتنی سەروەت و سامانەکەی ڕووسیا لەبەرامبەر ئەو زیانانە دەبێت، بەهۆی لەشکرکێشیەکەی بە ئۆکراینای گەیاندووە. 

باکگراوند: لەساڵی 2022، لەدوای هێڕشەکانی رووسیا بۆ ئۆکراینا، بڕی 300 ملیار دۆلاری ئەمریکی پارەی ڕووسیا لە بانکەکان لەلایەن( یەکێتی ئەوروپا  و نەتەوە یەکگرتووەکان و ژاپۆن) بلۆککرا.