ئاماری سەرژمێریی عێراق راگەیێنرا و ژمارەی دانیشتووان 45 ملیۆن کەسی تێپەڕاندووە

ئاڤا نیوز

 

سەرۆکوەزیرانی عێراق ئەنجامی بەرایی سەرژمێریی گشتیی دانیشتووانی ڕاگەیاند و گوتی، '2.3٪ـی ڕێژەی دانیشتووان زیادی کردووە'.

 

وێنە گەورەکە: لە ڕۆژانی 20 و 21ـی ئەم مانگە سەرژمێری گشتیی لە عێراق و هەرێمی کوردستان ئەنجامدرا.

 

لێدوانی فەرمی: محەممەد شیاع سوودانی، سەرۆکوەزیرانی عێراق ڕایگەیاند: ئێستا ژمارەی دانیشتووان گەیشتووەتەوە 45 ملیۆن و 200 هەزار کەس، بەگوێرەی ئەو ئامارەش 2.3 ٪ـی ڕێژەی دانیشتووانی عێراق زیادیکردووە.

 

ژمارەکان وادەڵێن: 

 

ڕێژەی دانیشتووان: 45 ملیۆن و 200 هەزار کەس

زیادبوونی دانیشتووان: 2.3٪ـی زیادی کردووە

نێر: 22 ملیۆن و 784 هەزار و 62 کەسە

مێ: 22 ملیۆن و 623 هەزار و 833 کەس

 
ژمارەی خێزانەکان: حەوت ملیۆن و 898 هەزار و 588 خێزان

 

زانیاری زیاتر: %70.3ـی دانیشتووان لە شارەکاندا نیشتەجێن، هاوکات 29.7٪ـی دانیشتووانی عێراق لە گوندەکاندا نیشتەجێن.

 

ئەوەی پێویستە بیزانیت: 60.2٪ـی دانیشتووانی عێراق تەمەنیان لەنێوان 15 بۆ 64 ساڵیە، هەروەها ٪64ـی دانیشتووانی عێراق لە تەمەنی کارکردندان.