تێچووی سەرژمێر لە تریلیۆنێک دینار نزیک دەبێتەوە

ئاڤا نیوز

 

شارەزایەکی ئابووری دەڵێت، بەهۆی سەرژمێرییەوە عێراق نزیکەی تریلیۆنێک دینار "زیانی کردووە"، خەڵکە هەژارەکەش باجەکەی دەدەن.

 

وێنە گەورەکە: قۆناغی دووەمی سەرژمێریی گشتیی دانیشتووان لە عێراق و هەرێمی کوردستان کۆتایی هات، بڕیارە لە چەند ڕۆژی داهاتووشدا قۆناغی سێیەم دەستپێبکات.

 

لێدوانی فەرمی: نەبیل مەرسومی، شارەزای ئابووریی عێراق ڕایگەیاند: "وەزارەتی پلاندانانی عێراق 459 ملیار دیناری بۆ پرۆسەی سەرژمێری تەرخانکردووە و بەکەمی دەزانێت، لەهەمانکاتدا تێچووی دارایی پەكخستنی دەوامی فەرمیی و کاروباری هاووڵاتییان بە 492 ملیار دینار مەزەندەکرێت، بەمەش کۆی تێچووی پرۆسەکە  تاوەکو ئێستا گەیشتووەتە 951 ملیار دینار.

 

لەلایەکی دیکەوە: مەنار عوبەیدی، سەرۆکی دامەزراوەی عێراقی ئایندە بۆ لێکۆڵینەوەی ئابووری ڕوونیکردەوە: زۆربەی تێچووی سەرژمێریی دانیشتووان بۆ کڕینی ئەو تابلێتانە خەرجکراوە کە بۆ کۆکردنەوەی زانیاری و داتاکان بەکاردەهێنران و ژمارەیان نزیکەی 150 هەزار تابلێتە کە دروستکراوی وڵاتی چینن.

 

ئەمەش بزانە: وەزارەتی پلاندانانی عێراق ڕاهێنانی بە 120 هەزار توێژەری مەیدانی کردووە و لەسەرەتای پرۆسەکەوە تا کۆتایی ئەم مانگانە بڕی 250 هەزار دینار بۆ هەر توێژەرێک خەرج دەکات.