خۆپیشاندانی سەرتاسەری لە ئیسرائیل دەستیپێكرد

ئاڤا نیوز

 

بنیامین نەتانیاهۆ، سەرۆکوەزیرانی ئیسرائیل وەزیری بەرگریی وڵاتەکەی لە كارەكەی دوورخستەوە و دژی ئەم بڕیارەش خۆپیشاندانی سەرتاسەری لە ئیسرائیل بەڕێوەچوو.

 

وێنە گەورەكە: لە سەرجەم شارە گەورەكانی ئیسرائیل خۆپیشاندانی سەرتاسەری لە دژی بڕیارەكەی بنیامین نەتانیاهۆ، سەرۆكوەزیرانی ئیسرائیل بەڕێوەچوو، خۆپیشاندەران داوادەكەن نەتانیاهۆ لە بڕیاری دوورخستنەوەی یوواڤ گالانت، وەزیری بەرگریی وڵاتەکەی پاشگەزبێتەوە.

 

ئەوەی ئێستا ڕوودەدات: لە تەلئەبیب، ئۆرشەلیم، حەیفا، عەكا، ناسرە خۆپیشاندان دژی بڕیارەكەی نەتانیاهۆ بەڕێوەدەچێت.

 

ئەمەش بزانە: ناكۆكی لەنێوان بنیامین نەتانیاهۆ و وەزیری بەرگریی ئیسرائیل بۆ سەرەتای پێكهێنانی کابینەی جەنگ دەگەڕێتەوە و تا ئێستاش بەردەوامە.