مەسرور بارزانی: هەوڵی بەردەواممان بۆ پێشخستنی کەرتی تەندروستییە

ئاڤا نیوز 

 

سەرۆکوەزیران مەسرور بارزانی لە میانەی بەشداریکردنی لە کۆنفرانسێکی تەندروستی ڕایگەیاند، هەوڵی بەردەوامیان بۆ پێشخستنی کەرتی تەندروستییە. 

 

وێنە گەورەکە: ئەمڕۆ لە هەولێر کۆنفڕانسی خزمەتگوزاری تەندروستی و چاکسازییەکانی دەرمان و پێداویستی پزیشکی و ستراتیژی ڕیفۆرمی تەندروستی بەڕێوەدەچێت.

 

لێدوانی فەرمی: مەسرور بارزانی ڕایگەیاند، یەکێک لە ئەرکە گرنگەکانی کابینەی  نۆیەمی حکومەتی هەرێمی کوردستان، ئەنجامدانی پرۆسەیەکی بەرفراوانی چاکسازیی بووە لە کەرتی تەندروستی و چەندین هەوڵیش لەگەڵ لایەنی پسپۆڕی بیانی دراون.

 

ئەوەشی خستەڕوو کە "قسە و کۆبوونەوە و کۆنفرانسی زۆر کراوە بۆ ئەوەی ئێمە بتوانین دەست لەسەر ئەو خاڵانە دابنێین کە پێویستییان بە چارەسەریی و چاکسازیی هەیە و چەندان ساڵە کەرتی تەندروستی پێیانەوە دەناڵێنێت".

 

لە لایەکی دیکەوە: مەسرور بارزانی وتی، چەندان نەخۆشخانەی نوێی لە ناوچە جیاوازەکانی هەرێمی کوردستان بە  ئاست و کوالێتیی زۆر باش دروست کردووە؛ هەروەها چەندان نەخۆشخانەش نۆژەنکراونەتەوە و پرۆسەی نۆژەنکردنەوەی چەندانی دیکەش بەردەوامە.