چی لەبارەی خاڵی سووری پێست دەزانیت؟

ئاڤا نیوز

دەرکەوتنی هەر نیشانەیەکی نوێ لەسەر پێست لەوانەیە ببێتە هۆی ترس لە نیشانەکانی، بەتایبەت زۆربەی نیشانەکان پەیوەندییان بە هەبوونی نەخۆشییەکی دیاریکراوەوە هەیە.

چیرۆکی سەرەکی: پێست تووشی چەندین گۆڕانکاری دەبێت کە بەهۆی پیربوون، زیپکە یان بەرکەوتنی ڕاستەوخۆ لەگەڵ تیشکی خۆر دروست دەبن. خاڵی سوور یەکێکە لەو نیشانە باوانەی لەسەر پێست دەردەکەوێت و پسپۆڕان جەخت لەوە دەکەنەوە کە نیشانەیەکی ئاساییە و پێویست بە نیگەرانی ناکات.


لێدوانی فەرمی: پزیشکێکی پێست بە ناوی جێسی چیونگ دەڵێت: "خاڵی بچووکی سوورباو دیاردەیەکی تەواو باشە کە پێیدگەوترێت (Cherry hemangioma) واتا خاڵی گێلاس.

ئەوەی پێویستە  بیزانیت: ئەم جۆرە خاڵە بریتییە لە بڵقی سووری بچووک کە لە کۆمەڵێک دەمارەکانی خوێن پێکهاتووە، زیانبەخش نییە و بێ ئازارە، بەڵام ئەگەر بخورێنرت خوێنی لێ دەڕژێت. دەشێ پەڵەکە لە هەموو شوێنێکی پێست هەبێت، بەڵام بەزۆری لەسەر سنگ، سک، پشت، قۆڵ و قاچ دەردەکەون.

لەلایەکی دیکەوە: هادلی کینگ، پسپۆڕی پێست لەبارەی هۆکاری دەرکەوتنی ئەم نیشانانە دەڵێت: "ئێمە هۆکارەکەی نازانین، بەڵام هۆکارێکی بۆماوەیی  هەیە کە وا لە هەندێک کەس دەکات زیاتر تووشی ئەو نیشانانە ببن."


ئەمەش بزانە: باشتر وایە بەبێ ڕاوێژکردن بە پسپۆڕ هەوڵی لابردنی خوێنی ئەم جۆرە خاڵە سوورانە لە ماڵەوە نەدەیت، چونکە لەوانەیە گرێکە خاڵی گیلاس نەبێت، بەڵکو جۆرێکی تری گرێ یان ئازاری پێست بێت، کە پێویستی بە بینینی پزیشکی شارەزا هەیە.