لە دیالە 15 چەکداری حەشدی شەعبی ژەهراوی بوون

ئاڤا نیوز

 

درەنگانی شەوی ڕابردوو 15 چەکداری حەشدی شەعبی لە پارێزگای دیالە، بە کۆمەڵ ژەهراویبوون و ڕەوانەی نەخۆشخانەی گشتیی میقدادیە کراون.

 

وێنە گەورەکە: هێزە چەکدارییەکانی حەشدی شەعبی دوای کۆتایی هاتنی شەڕی داعش، وەکو هێزێکی سەربە حکومەتی عێراق مامەڵەیان لەگەڵ دەکرێت و بودجەیان لەلایەن حکومەتەوە بۆ دابینکراوە، لە پارێزگای دیالە چەندین بنکە و بارەگایان کردووەتەوە. 

 

زانیاریی بەدەستهاتوو: بەپێی زانیاریی میدیا عێراقییەکان: سەرجەم چەکدارەکان چارەسەری پێویستییان وەرگرتووە و دۆخی تەندروستییان جێگرە، فەرمانیشکراوە لەماوەی کەمتر لە 24 کاتژمێر دەبێت ئەنجامەکەی بە وردەکاریی تەواوە ئاشکرا بکرێت.

 

ئەوەی پێویستە بیزانیت: ژەهراویبوونی بە کۆمەڵ کەمترین کات ڕوودەدات و تائێستا هۆکاری ئەو ژەهراویبوونەش دیار نییە، بۆیە لێکۆلێنەوەکان لەو بارەیەوە بەردەوامن.