فەرەنسا داوا لە هاووڵاتییانی دەکات ئێران جێبهێڵن

ئاڤا نیوز

 

دوای هێرشە مووشەکییەکانی ئێران بۆ سەر ئیسرائیل، وتەبێژی سوپای ئیسرائیل باس لە تۆڵەسەندنەوە دەکات و ئەمەش بووەتە هۆی زیاد بوونی گرژییەکان.

 

وێنە گەورەکە: شەوی سێشەممە، یەكی تشرینی یەكەمی2024 سوپای ئێران نزیكەی 200 مووشەكی ئاڕاستەی خاكی ئیسرائیل كرد و بەشێکیان لەلایەن سیستمی بەرگریی ئاسنینی ئیسرائیلەوە وەڵامدرانەوە و بەشێکی دیکەشیان چەند ناوچەیەکیان کردە ئامانج.

 

ڕاگەیێندراوی فەرمی: باڵیۆزخانەی فەڕەنسا لە بەیاننامەیەکدا ڕایگەیاند: "لەبەر زیادبوونی گرژییەکانی ڕۆژهەڵاتی ناوەڕاست کاتێک گەشتە نێودەوڵەتییەکانی ئێران دەستبەکاربوون، پێویستە هاووڵاتییانی فەرەنسا کە لە ئێران نیشتەجێن ئەم وڵاتە بۆ ماوەیەکی کاتی بەجێبهێڵن". 

 

زانیاریی زیاتر: پێشتریش لە مانگی نیسان باڵیۆزخانەی فەرەنسا لە ئێران، بە هەمان شێوە هاووڵاتییانی خۆی ئاگادار کردبووەوە کە لە ئێران نەمینێن.