پێستی مریشک مەخۆن؛ شەش زیانی هەیە

ئاڤا نیوز

توێژینەوەیەکی نوێ دەریدەخات خواردنی پێستی مریشک کاریگەریی خراپ لەسەر تەندروستی مرۆڤ دادەنێت بەتایبەت ئەو کەسانەی کێشەی کۆلسترۆڵیان هەیە.

چیرۆکی سەرەکی: مریشک یەکێکە لە بەربڵاوترین جۆرەکانی گۆشت لە جیهاندا، بەڵام زۆرێک لە نەخۆشانی کۆلیسترۆڵ حەز دەکەن پێستی مریشک بخۆن بەبێ ئەوەی بزانن کاریگەری لەسەر تەندروستییان هەیە. 

بڵاوکراوەی تەندروستی: بەگوێرەی ماڵپەڕی Livestrong  خواردنی پێستی مریشک ئەم زیانانەی هەیە:

- بڕێکی زۆر چەوری تێری تێدایە کە هۆکارێکی سەرەکییە بۆ بەرزبوونەوەی ڕێژەی کۆلیسترۆڵی خراپ لە خوێندا.

- کاتێک ڕێژەی کۆلیسترۆڵی LDL بەرز دەبێتەوە، مەترسی تووشبوون بە نەخۆشییەکانی دڵ وەک جەڵتەی دڵ و جەڵتەی مێشک زیاد دەکات.

- ڕێژەی کالۆری تێدا بەرزە، دەگاتە 165 کالۆری لە هەر 100 گرامدا، دەبێتە هۆی زیادبوونی کێش و کەڵەکەبوونی چەوری.

- هەروەها چەوری زۆری تێدایە کە دەبێتە هۆی درەنگ هەرسکردن، قەبزی و ئاوسان.

ئەوەی پێویستە بیزانیت: چەند ئامۆژگارییەکی لێنانی مریشک بەشێوەیەکی تەندروست:

- پێش چێشتلێنان پێست لاببە، بۆ کەمکردنەوەی چەوری تێر و کالۆری.

- شێوازی چێشتلێنانی تەندروست بەکاربێنە وەک برژاندن یان هەڵمکردن لەجیاتی سوورکردنەوە.

- لەکاتی چێشتلێنان خۆت لە زیادکردنی چەوری زیادە بەدوور بگرە، وەک کەرە.

- مریشکی پڕ لە ڕیشاڵ بخۆن لەناو زەڵاتە یان سەوزە، بۆ تێربوون و کەمکردنەوەی هەڵمژینی کۆلیسترۆل.