لێدوانی تەیف سامی لەبارەی مووچەی مانگەکانی هەشت و نۆ

ئاڤا نیوز

 

پەرلەمانتارێکی کورد لە پەرلەمانی عێراق لەسەر زاری تەیف سامی ڕایدەگەیێنێت، هەفتەی داهاتوو مووچەی مانگی نۆ خەرج دەکرێت. لەبارەی مووچەی مانگی هەشتیش دەڵێت: تەیف سامی گوتوویەتی مووچەی مانگی هەشتی ناردووە.

چیرۆکیی سەرەکی: ئەمڕۆ چوارشەممە تەیف سامی، وەزیری دارایی عێراق سەردانی پەرلەمانی کرد و لەو چوارچێوەیەدا لەگەڵ ژمارەیەک پەرلەمانتاری کورد کۆبووەوە و پرسیاریان لەبارەی مووچە و دامەزراندن لێکردووە.

لێدوانی فەرمی: دیلان غەفوور، ئەندامی پەرلەمانی عێراق لەسەر زاری تەیف سامی، وەزیری دارایی عێراق لە کۆنگرەیەکی ڕۆژنامەوانیدا ڕایگەیاند، هەفتەی داهاتوو مووچەی مانگی نۆ خەرج دەکرێت و دەگاتە هەرێمی کوردستان.

 

لە وەڵامی پرسیاری ڕۆژنامەنووساندا لەبارەی مووچەی مانگی هەشت، دیلان غەفوور گوتی، تەیف سامی گوتوویەتی مووچەی مانگی هەشتی بەتەواوی بۆ حکومەتی هەرێمی کوردستان ناردووە.

لەلایەکی دیکەوە: موسەننا ئەمین، ئەندامی پەرلەمانی عێراق لەبارەی ئەو 243 ملیار دینارەی کورتهێنان هەیە بە ئاڤا نیوزی گوت: "تەیف سامی گوتی تەواوی مووچەی مانگی هەشتی ناردووە".

ئەوەی پێویستە بیزانیت: بەپێی گوتەی تەیف سامی بێت وەزارەتی دارایی عێراق بڕی 243 ملیار دینارەکە بۆ هەرێمی کوردستان نانێرێت.

 

باکگراوند: حکومەتی هەرێمی کوردستان بۆ مووچەی مانگی هەشت پێویستی بە 998 ملیار دینارە، پێشتر وەزارەتی دارایی عێراق بڕی 755 ملیار دیناری ناردبوو، واتە بڕی 243 ملیار دینار کورتهێنان هەیە.