دوایین زانیاری لەبارەی مووچەی مانگی هەشت؛ بڕیارە سبەی پارەکە بنێردرێت

ئاڤا نیوز

بڕیارە سبەی سێشەممە بەغدا بڕی ئەو کورتهێنانە بنێرێ کە بۆ مووچەی مانگی هەشتی فەرمانبەرانی هەرێمی کوردستان دروست بووە، هۆکاری دواکەوتنیشی تەواونەبوونی ڕێکارەکان بووە. بەگەیشتنی پارەکە ڕاستەوخۆ وەزارەتی دارایی هەرێمی کوردستان لیستی مووچە ڕادەگەیێنێت.

 

وێنە گەورەکە: وەزارەتی دارایی و ئابووریی هەرێمی کوردستان بڕی 755 ملیار دیناری لەبەردەستە بۆ مووچەی مانگی هەشتی مووچەخۆران، لەکاتێکدا پێویستی بە 998 ملیار دینارە بۆ دابەشکردنی مووچە، بڕیارە وەزارەتی دارایی عێراق ئەو کورتهێنانە پڕ بکاتەوە و لەگەڵ گەیشتنی پارەکە بە هەمانشێوەی لیستی مانگی حەوت، دەست بە دابەشکردنی مووچە بکات.

 

ئەوەی پێویستە بیزانیت: هەشت ڕۆژ بەسەر ناردنی دوایین گوژمە بۆ مووچەی مانگی هەشت تێپەڕیوە، لەوکاتەوە وەزارەتی دارایی عێراق بڕیاری داوە کورتهێنان پڕبکاتەوە و 243 ملیارەکە بنێرێت، بەڵام هەر ئەمڕۆ و سبەی دەکات.

لێدوانی فەرمی: د. خەلیل دۆسکی، ئەندامی لیژنەی دارایی لە پەرلەمانی عێراق، بە ئاڤای گوت، "ڕۆژی دووشەممە سەردانی وەزارەتی داراییم کرد، بەڕێوەبەرایەتیی بودجەی وەزارەتی دارایی عێراق کۆبوونەتەوە لەسەر تەمویلی ئەو بڕە پارەی کە کورتهێنانی مووچەی مانگی هەشتی مووچەخۆرانی هەرێمی کوردستانە، بەهۆی تەواونەبوونی ڕێکارەکان ناردنی پارەکە دەکەوێتە سبەی سێشەممە".

زانیاریی زیاتر: بەگوتەی خەلیل دۆسکی، هیچ گرفتێک لە ناردنی پارەکە نییە، بەهۆی تەواونەبوونی ڕێکارەکان ناردنی پارەکە دواکەوتووە.