وێنەی خانەنشینێک لەکاتی وەرگرتنی مووچەکەی
ئاڤا نیوز
تەمەنی خانەنشینی لەنێوان عێراق و هەرێمی کوردستان هاوتا دەکرێت و دەبێتە 60 ساڵ، بەم بڕیارەش نزیکەی 20 هەزار فەرمانبەر پێکەوە خانەنشین دەکرێن.
وێنە گەورەکە: لە مووچەی مانگی حەوتەوە یاسای ژمارەی 9ی خانەنشینی عێراق چووەتە بواری جێبەجێکردنەوە و خانەنشینانی مەدەنی بەم یاسایە مووچە وەردەگرن. لە عێراق تەمەنی خانەنشینی 60 ساڵە و لە هەرێمی کوردستان 63 ساڵە، لەمەودوا تەمەنی خانەنشینی هاوتا دەکرێت و هاوشێوەی عێراقی لێدەکرێت.
ئەوەی پێویستە بیزانیت: بەڕێوەبەرایەتی گشتیی خانەنشینی لە هەرێمی کوردستان، چاوەڕوانی دەرچوونی ڕێنماییە لە وەزارەتی دارایی و ئابووری بۆ ئەوەی ڕاستەوخۆ دەست بە جێبەجێکردنی یاساکەی عێراق بکرێت، وەک خۆیان دەڵێن نەک تەنیا بڕگەیەک، بەڵکو دەبێت یاساکە وەکو خۆی جێبەجێ بکەن.
زانیاریی زیاتر: لەبارەی خانەنشینان چەند کۆبوونەوەیەک لەنێوان هەولێر و بەغدا کراون، ڕۆژی 25-9-2024 دوایین شاندی هەرێمی کوردستان بۆ جێبەجێکردنی یاسای خانەنشینی و وەرگرتنی ڕێنمایی و ڕێکارە پەیوەندیدارەکان سەردانی بەغدای کرد، ڕێنماییەکانیان لەگەڵ خۆیان هێناون و ئێستا پێویستە وەزارەتی دارایی و ئابووری ڕێنمایی بۆ دەربکات، دواتر ڕاستەوخۆ دەست بە جێبەجێکردنیان دەکرێت.
لێدوانی فەرمی: سەرچاوەیەک لە بەڕێوەبەرایەتیی گشتیی خانەنشینیی لە هەرێمی کوردستان بە ئاڤا نیوزی ڕاگەیاند: تەمەنی خانەنشینی دەبێتە 60 ساڵ و دەبێت تاوەکو کۆتایی ئەمساڵیش تەواو بکرێت.
لەلایەکی دیکەوە: لە ڕۆژی 7-8-2024 پرۆژەیاسایەک بۆ هەموارکردنەوەی یاسای خانەنشینی پێشکەشی پەرلەمانی عێراق کراوە و تێیدا داواکراوە تەمەنی خانەنشینی هاوشێوەی هەرێمی کوردستان بکرێتە 63 ساڵ، بەڵام تاوەکو ئێستا خوێندنەوەی یەکەمی بۆ نەکراوە. لەمبارەیەوە سەرچاوەکەی ئاڤا نیوز گوتی: "ناتوانین لەسەر بنەمای ئەو پرۆژە یاسایە کار بکەین، دەبێت یاساکەی عێراق وەک خۆی جێبەجێ بکەین''.
ئەمەش بزانە: ساڵانە پێنج بۆ شەش هەزار فەرمانبەری مەدەنی خانەنشین دەبن، بۆ خانەنشینی سەربازیش تا ئێستا داتایەکی ورد نییە، چونکە پێشتر وەزارەتی پێشمەرگە خۆی مووچەی بەسەر دابەش کردوون، ئێستاش کار بۆ ئەوە دەکرێت خانەنشینی سەربازیش بخرێتە سەر وەزارەتی دارایی.
زانیاریی تایبەت: بە جێبەجێکردنی یاسای خانەنشینی عێراق، ئەمساڵ 15 بۆ 20 هەزار فەرمانبەری مەدەنی خانەنشین دەکرێن، چونکە ئەو کەسانەی تەمەنیان 60 - 61 - 62 و 63 ساڵە، واتە لەدایکبووانی 1961- 1962 -1963 و 1964 لە هەرێمی کوردستان هێشتا خانەنشین نەکراون.
زیاتر لەسەر ئەم بابەتانە بکۆڵەرەوە
دوایین هەواڵەکان
- عێراق
- 8 خولەک لەمەوپێش
ئیسرائیل ژمارەیەک بارهەڵگری عێراقی لە سووریا دەکاتە ئامانج
- ڕۆژهەڵاتی ناوەڕاست
- 19 خولەک لەمەوپێش
لە ماوەی ساڵێکدا نزیکەی 60٪ـی غەززە وێران بووە
- کوردستان
- 46 خولەک لەمەوپێش
مەسرور بارزانی بۆ خەڵکی سلێمانی: لە هیچ کەس مەترسن
- کوردستان
- 1 کاتژمێر لەمەوپێش
کۆمیسیۆن لەبارەی وەرگرتنەوەی کارتی دەنگدان ڕوونکردنەوە دەدات
هەڵبژاردەکان بۆ تۆ
هۆشداری بە مووچەخۆران دەدرێت؛ بایۆمەتری نەکەن مووچەیان دەبڕێت
2 کاتژمێر لەمەوپێش
تایلۆر سویفت ڕۆژانە خواردن بۆ 900 کەمدەرامەت دابین دەکات
23 کاتژمێر لەمەوپێش
چاوپێکەوتنی سەرۆکوەزیران مەسرور بارزانی لە ئاڤا ڕیکۆردی میدیای کوردی شکاند
5 تشرینی یەکەم
فەرهاد پیرباڵ بۆ یەکەمجار دوای خۆکاندیدکردنی لە ئاڤا دەردەکەوێت
3 تشرینی یەکەم
لەدایکبوونی دووانەیەک لەسەر ئاستی جیهان دەنگ دەداتەوە
3 تشرینی یەکەم
- ڕاپۆرت
- 28 ئەیلوول
کێ شوێنی حەسەن نەسروڵڵا دەگرێتەوە؟