دادگای فیدراڵی لەبارەی سکاڵایەکی پەیوەست بە مووچەی فەرمانبەرانی کوردستان کۆدەبێتەوە

ئاڤا نیوز

ئەمڕۆ چواشەممە دادگای فیدراڵی لەبارەی سکاڵایەکی پەیوەست مووچەی فەرمانبەرانی کوردستان کۆدەبێتەوە، تیایدا داواکراوە حکومەتی عێراق پابەندبکرێت بە خەرجکردنی مووچەی فەرمانبەرانی هەرێمی کوردستان لەکاتی خۆیدا هاوشێوەی ناوچەکانی دیکەی عێراق.

وێنە گەورەکە: مانگی دووی ئەمساڵ دادگای فیدراڵی، حکومەتی عێراقی پابەند کرد بە ناردنی مووچە و شایستە داراییەکانی هەرێمی کوردستان و نەناردنی مووچەی بە نایاسایی لەقەڵەمدا، بەڵام تائێستا بڕیارەکە وەک خۆی جێبەجێ نەکراوە.

ڕاگەیێنراوی فەرمی: بەگوێرەی خشتەی کۆبوونەوەکانی دادگای فیدڕاڵی، ئەمڕۆ دادگاکە سکاڵایەکی دەریا محەممەد حەوێز، مامۆستا لە هەرێمی کوردستان تاوتوێ دەکات، لە سکاڵاکەدا داواکراوە حکومەتی عێراق پابەندبکرێت بە خەرجکردنی مووچەی فەرمانبەرانی هەرێمی کوردستان.

ئەوەی پێویستە بیزانیت: سکاڵاکار دەڵێت، نەناردنی مووچەی فەرمانبەرانی هەرێمی کوردستان پێچەوانەی بڕگەی یەکەمی ماددەی 117ی دەستوورە، لەسەر ئەو بنەمایەش سکاڵاکەی تۆمارکردووە.