جارێكی دیكە دادگای نێودەوڵەتیی لە بارەی ئیسرائیل كۆدەبێتەوە

ئاڤا نیوز

جارێكی دیكە دادگای دادی نێودەوڵەتیی، لەبارەی هێرشەكانی ئیسرائیل بۆ كەرتی غەززە بەڕێوەدەچێت.

وێنە گەورەكە: دوای ئەوەی گرووپە چەكدارەكان هێرشیان كردە سەر ئیسرائیل، سوپای ئیسرائیلیش ئۆپەراسیۆنێكی سەربازیی لە كەرتی غەززە دەستپێكرد، بە تۆمەتی پێشێلكردنی یاسا و تاوانی جەنگ، دادگای نێودەوڵەتیی بۆ جاری دووەم كۆبوونەوەی خۆی لە سەر هێرشەكان بەرێوەدەبات.

ئەوەی پێویستە بیزانیت: بڕیارە رۆژی دوو شەممەی داهاتوو دانیشتنێكی دیكەی دادگای دادی نێودەوڵەتی تایبەت بە كاریگەرییە یاساییەكانی هێرشەكانی سوپای ئیسرائیل لە خاكی فەڵەستین بەڕێوەبچێت، سكاڵاكە لەلایەن باشوری ئەفریقاوە لەسەر تاوانەكانی ئیسرائیل لە كەرتی غەززە تۆماریكردووە و هێرشەكەی ئەو وڵاتەش بۆ سەر ناوچەی ڕەفەحیش لە خۆدەگرێت.

ڕاگەیەنراوی فەرمی: دادگای دادی نێودەوڵەتیی لە ماڵپەری فەرمی خۆی بڵاویكردووەتەوە: هەرچەند ئیسرائیل تانەی لەو سكاڵایەی باشووری ئەفریقا داوە و بەبێ بنەما وەسفیكردووە بەتایبەتیش لەبارەی هێرشی زەمینیی بۆسەر ڕەفەح، بەڵام هیچ كاریگەرییەكی نابێت و رۆژی دوو شەممەی داهاتوو دانیشتنی دادگا بەڕێوەدەچێت.