625 هەزار پەنابەری سووری نیشتەجێی تورکیا گەڕاونەتەوە سووریا

ئاڤا نیوز

وەزارەتی ناوخۆی تورکیا ڕایگەیاند، ژمارەی ئەو سوورییانەی گەڕاونەتەوە وڵاتەکەیان گەیشتووەتە 625 هەزار کەس.

وێنە گەورەکە: دوای هێرشەکانی داعش لە ساڵی 2014 بۆ سوریا، ژمارەیەکی زۆر لە خەڵكی ئەو وڵاتە ڕوویانکردە  تورکیا.

لێدوانی فەرمی:  عەلی یارلیکایا، وەزیری ناوەخۆی تورکیا ڕایگەیاند: لەماوەی حەوت ساڵی ڕابردوودا هەوڵێکی زۆر دراوە بۆ بوژانەوەی ناوچەکانی(جەرابلوس و ئەلباب و ئەعزاز)  لە باکووری سووریا، بۆ ئەوەی پەنابەرە سوورییەکان بتوانن بگەڕێنەوە ماڵەکانی خۆیان. 

ژمارەکان وا دەڵێن: تا 31-12-2023 ژمارەی ئەو سوورییانەی تۆمارکراون لە تورکیا گەیشتووەتە سێ ملیۆن و 214 هەزار و 780 کەس. 

لەماوەی ساڵێکدا، ژمارەی سوورییەکان بۆ 321 هەزار و 118کەس دابەزیوە، بەمەش ماوەی حەوت ساڵی ڕابردوودا نزمترین ئاستی تۆمارکردووە.