سعوودیە میوانداری کۆڕبەندی سیاسەتی پیشەسازیی فرەلایەن دەکات

ئاڤا نیوز

 

سعوودیە بەهاوبەشی لەگەڵ ڕێکخراوی نەتەوەیەکگرتووەکان بۆ گەشەپێدانی پیشەسازی میوانداری کۆڕبەندی سیاسەتی پیشەسازی فرەلایەنە دەکات.

 

وێنە گەورەکە: لە مانگی 10ی ئەمساڵ سعوودیە میوانداری کۆڕبەندی سیاسەتی پیشەسازی فرەلایەنە دەکات، بە ئامانجی فراوانکردنی بنکەی پیشەسازی سعوودیە و پێگەی خۆی وەک ناوەندێکی پیشەسازی جیهانی پێشەنگ بچەسپێنێت.

 

چی ڕوودەدات: ئەم کۆڕبەندە لەلایەن وەزارەتی پیشەسازی و سەرچاوە کانزاییەکان لە ڕیاز ڕێکدەخرێت،  بڕیارە چەندان پسپۆڕ و بڕیاردەر لە سەرانسەری جیهان ئامادەبن بۆ گفتوگۆکردن لەبارەی پەرەپێدانی پیشەسازی و بەرزکردنەوەی ئاستی کەرتە پیشەسازییەکان.

 

زانیاریی زیاتر: سعوودیە هەوڵ دەدات توانای کێبڕکێی خۆی بەرزبکاتەوە بە گرنگیدان بە 12 کەرتی پیشەسازی جیاواز بە ئامانجی بەرەو پێشبردنی ئابووری وڵەتەکە.

 

باکگراوند:  سعوودیە لە ساڵی 2023 دا پێشکەوتنێکی بەرچاوی لە کەرتی پیشەسازیدا بینی، لەوانە ڕاگەیاندنی دەرفەتی وەبەرهێنانی گەورە، وەک؛ یەکەم کارگەی دروستکردنی ئۆتۆمبێلی کارەبایی "لوسید"،  ئامانجی سعوودیە ئەوەیە تا ساڵی 2030 ساڵانە زیاتر لە 300 هەزار ئۆتۆمبێل بەرهەمبهێنێت.