ڕكابەرێكی سەرسەختی دۆناڵد ترەمپ لە كێبڕكێی سەرۆكایەتیی ئەمریکا كشایەوە
- هەواڵ
- 11 کانوونی دووەم
ئاڤا دیجیتاڵ
یەكێک لە كاندیدە "سەرسەخت و دژەكان"ـی دۆناڵد ترەمپ بۆ پۆستی سەرۆكایەتیی ئەمریكا كشایەوە و دەڵێت، هیچ رێگەیەک بۆ سەركەوتن نییە.
كریس كریستی، پێشتر حاكمی ویلایەتی نیوجرسی بووە، كاندیدی دیموكراتەكانیش بوو بۆ پۆستی سەرۆكی ئەمریكا، دوێنێ چوارشەممە 2024-01-10 لەكاتی قسەكردنیدا بۆ هەوادارانی گوتی: "بەتەواوەتی بۆم روونبووەتەوە ڕكابەری لەم دۆخەدا هیچ باش نییە، من ڕقم لە كینە و دووبەرەكی و خۆپەرستییە، ئەوەی لە وڵاتدا ڕوودەدات سیاسەت نییە و كێبڕكێیەكی خراپە".
كریس، یەكێكە لە دوژمنە سەرسەختەكانی دۆناڵد ترەمپ و پێیوابوو، دەبێت ڕێگری لە كاندیدبوونەوە بە سەرۆكی ئەمریكا بکات، پێشتریش پێی گوتبوو: "بەڵێن بێت هەموو شتێك بكەم بۆ ڕێگریكردن لە ترەمپ".
لە ناوەڕاستی مانگی 11ـی ئەمساڵ، هەڵبژاردنی سەرۆكایەتیی ئەمریكا دەكرێت. چەندین كاندید كێبڕكێ دەكەن، پەیتا پەیتا چەند كاندیدێكیش دەكشێنەوە، ئێستا كێبڕكێیەكی تووند لە نێوان جۆو بایدن، سەرۆكی ئێستا و دۆناڵد ترەمپ، سەرۆكی پێشوو دایە.
كریس، سیاسیەكی تووندە، دكتۆرای لە یاسای نیشتیمانیی ئەمریكادا هەیە، بەوە ناسراوە زۆر دژی ڕەگەزپەرستی و شەڕ و پێكدادانەكانە، چەندین جار بۆ ڕووبەڕووبوونەوەی ڕەگەزپەرستی كەمپینی گەورەی كردووە و خۆی سەرپەرشتی كردووە.
ئاڤا دیجیتاڵ
Editor
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول