هەڤاڵ ئەبوبەکر : هەوڵەکانمان چڕوپڕتر دەکەینەوە بۆ نەهێشتنی نوشتە و جادوو

ئاڤا نیوز

پارێزگاری سلێمانی لەدوای بینینی فیلمی كفن ڕایگەیاند، هەوڵەكانیان بۆ نەهێشتنی دیاردەی نووشتە و جادوو چڕوپڕتر دەكەنەوە.

وێنە گەورەکە: ڕێکەوتی 20ی ئاب یەکەم نمایشی تایبەتی فیلمی کفن لە سلێمانی لە سیتی سینەما نمایشکرا، بە بەشداری چەندین دەرهێنەر و ئەکتەر و کەسایەتی بەنێوبانگ و پارێزگاری سلێمانی.

لێدوانی فەرمی: هەڤاڵ ئەبوبەکر پارێزگاری  سلێمانی لە ڕووماڵێکی تایبەتی ئاڤامیدیادا  گووتی: بە بەردەوامی کارمان کردووە بۆ لەناو بردنی دیاردەی نوشتە و جادوو، بەڵام  لە دوای بینینی فیلمی سینەمایی کفن هەوڵەکانمان چڕوپڕتر دەکەینەوە بۆ نەهێشتنی دیاردەی نووشتە و جادوو، دەبێت هەریەک لە دادگە و داواکاری گشتی و کایە هونەرییەکان و خێزانیش هاوکارمان بن لەم بابەتەدا.

گۆشەیەکی دیکەی بابەتەکە: هەڤاڵ ئەبوبەکر پارێزگاری سلێمانی باسی لەوەش کرد ئێستا لە پەڕینەوەداین جاران فیلمەکانمان لە درامایەکی جوڵاو دەچوو، بەڵام ئێستا بەرەو فیلمی راستەقینە دەچێت. 

ئەمەش بزانە: فیلمی کفن یەکەمین فیلمی ترسناکی کوردییە کە لە لایەن سرووشت عەبەڕەش دەرهێنانی بۆ کراوە و باهۆز نەسرەدین ئامادەکاری کارەکەیە، فیلمەکە لە لایەن ئاڤامیدیاوە بەرهەم هێنراوە.