پۆڵەندا ڕۆژێکی مێژوویی تۆمار دەکات

ئاڤا نیوز 

پۆڵەندا بە شێوەیەکی سەرکەوتووانە مانگی دەستکردی 'چاوی هەڵۆ'ی ڕەوانەی بۆشایی ئاسمان کرد.

وێنە گەورەکە: لە سەرەتای ساڵی 2020، کۆمپانیای سکان دەستیکردووە بە دروستکردن و دیزاینی گەورەترین تەلیسکۆپی چاودێری کردنی زەوی، ئەمساڵ توانرا تێلێسکۆپەکە لە ڕێگەی مانگێکی دەستکردەوە ڕەوانەی بۆشایی ئاسمان بکرێت. 

بۆچی گرنگە: درووستکردن و ناردنی ئەم مانگە دەستکردە پێشکەوتنێکی مێژوویی گرنگە بۆ کەرتی زانستی بۆشایی ئاسمان لە پۆڵەندا، ئەمەش لە بواری گەشەسەندنی بازاڕی دیزاین و دروستکردن و یەکخستنەوەی مانگە بچووکە دەستکردەکان.

ئەوەی پێویستە بیزانیت: مانگی دەستکردی چاوی هەڵۆ گەورەترین و پێشکەوتووترین مانگی دەستکردی پۆڵەندایە، کێشی 50 کیلۆگرامە، بۆ چاودێریکردنی خولگەی زەوی ڕەوانەی بۆشایی ئاسمان کراوە.