لە بەغدا دەست بە ڕێکارەکانی ناردنی مووچە کرا

ئاڤا نیوز

وەزارەتی دارایی عێراق دەست بە ڕێکارەکانی ناردنی مووچەی مانگی حەوت دەکات و بڕیارە ئەمڕۆ دووشەممە یەکەم گوژمەی پارە بنێرێت.

چیرۆکی سەرەکی: سێشەممەی ڕابردوو چەند پەرلەمانتارێک لەسەر زاری تەیف سامی، وەزیری دارایی عێراق ڕایانگەیاند ڕۆژی پێنجشەممە دەست بە ناردنی مووچە دەکرێت، بەڵام تاوەکو ئێستا هیچ بڕە پارەیەک نەنێردراوە.

 

لێدوانی فەرمی: شێروان دووبەردانی، ئەندامی پەرلەمانی عێراق بە ئاڤا نیوزی گوت، "لە  وەزارەتی دارایی بەدواداچوونم کردووە، لە بەشی ژمێرکاری دەست بە ڕێکارەکانی ناردنی مووچەی مانگی حەوتی فەرمانبەرانی مەدەنی کراوە".

 

زانیاریی زیاتر:  ئەمڕۆ یەکەم گوژمەی پارە دەخرێتە سەر هەژماری بانکی وەزارەتی دارایی و ئابووری هەرێمی کوردستان، چاوەڕێ دەکرێت تاوەکو کۆتایی ئەم هەفتەیە مووچەی سەرجەم فەرمانبەرانی مەدەنی بنێردرێت.

ئەوەی پێویستە بیزانیت: لەگەڵ گەیشتنی پارە ڕاستەوخۆ لەلایەن وەزارەتی دارایی و ئابووری هەرێمی کوردستان لیستی مووچە ڕادەگەیێنرێت و دەست بە دابەشکردنی دەکرێت.