حەماس کوژرانی سێ بارمتەی ئیسرائیلی لە ڕەفەح ڕاگەیاند

ئاڤا نیوز

دوو ڕۆژە ئیسرائیل هێرشێكی چڕی بۆ ناوچەی ڕەفەحی فەڵەستین دەستپێكردووە، حەماسیش دەڵێت بەهۆی هێرشەکان سێ بارمتە کوژراون.

وێنەگەورەكە: هێرشی ئیسڕائیل بۆ سەر ناوچەی ڕەفەح لە كەرتی غەززە، كاردانەوەی نێودەوەڵەتی لێكەوتووەتەوە، 22وڵات دەڵێن كارەساتی مرۆیی ڕوودەدات، ئیسرائیلیش دەڵێت بەشێكی زۆر لە دیلەكان لەو ناوچەیەن و هیچ شتێك نییە بیانوەستێنێت.

لێدوانی فەڕمی: بزووتنەوەی حەماس ڕایدەگەیێنێ، سێ بارمتەی ئیسرائیلی لە هێرش و بۆردوومانەكانی ڕۆژی یەكشەممەدا كوژراون. ئیسرائیل بەرپرسە لە كوژرانیان و لە چەند ڕۆژی داهاتوودا وێنەكانیان بڵاودەكەینەوە.

لەلایەکی دیکەوە: کۆشکی سپی لە دوایین ڕاگەیێنراودا ئاماژەی بەوە کردووە چاوەڕوانی گیانلەدەستدانی بەشێک لە بارمتە ماوەکانی غەززە دەکات و دەڵێت: پێویستە ئەگەری مردنی هەندێک بارمتە قبوڵ بکەین.

باکگراوند: دوێنێ یەکشەممە سوپای ئیسرائیل ئۆپەراسیۆنێکی تایبەتی کردە سەر خانووێک لە ڕەفەح و توانی دوو بارمتە ڕزگار بکات.