ژمارەی کرێنشینان لە کوردستان 18 پلە لە خوار ژاپۆنەوەیە

ئاڤا نیوز

 

ڕێژەی کرێنشنان لە هەرێمی کوردستان تەنیا لە 21%ـە و 18 پلە لە خوار یابان و 21 پلە لە خوار ئەمریکایە. 

 

وێنە گەورەکە: ماڵپەڕی کۆڕبەندی ئابووریی جیهانی ڕاپۆرتێکی کردووە و ئاماری کرێنشینان لە جیهاندا خستووەتەڕوو، بەپێی ڕاپۆرتەکە ئەڵمانیا و سویسرا زۆرترین ڕێژەی کرێنشینیان هەیە و چین و ڕووسیا کەمترین ڕێژەیان هەیە، هەرێمی کوردستانیش لە ڕووی کرێنشینەوە 18 پلە  لەپێش یابان، 25 پلە  کەنەدا، 29 پلە فەرەنسا و 21 پلە لە ئەمریکا ڕێژەی کرێنشینی کەمترە. 

 

ژمارەکان وا دەڵێن: لە ڕاپۆرتەکەدا ڕێژەی کرێنشینان لە وڵاتە جیاوازەکانی جیهاندا دیاری کراوە، کەمترین ڕێژەی کرێنشینان لە وڵاتانی چین و ڕووسیایە کە بە ڕێژەی تەنیا 11% و 14% کرێنشینی هەیە، زۆرترینیشی لە وڵاتانی سویسرا و ئەڵمانیایە بە ڕێژەی %68 و %64.

 

لەلایەکی دیکەوە: بەپێی ئاماری دەستەی ئاماری هەرێمی کوردستان %79ـی دانیشتووانی هەرێمی کوردستان خاوەنی ماڵی خۆیانن و هیچ کرێیەک نادەن، تەنیا لە 21%ـی دانیشتووانی کرێنشینن، بەمەش هەرێمی کوردستان 18 پلە لە خوار یابان و 21 پلە لە خوار ئەمریکایە. 

 

بۆچی گرنگە: کەمی ڕێژەی کرێنشینان لەهەر وڵاتێک نیشاندەری گەشەسەندنی ئابووریی وڵاتەکە و  گەشەسەندنی وەبەرهێنان و پاڵپشتیکردنی حکومەتە بۆ دابینکردنی یەکەی نیشتەجێبوون و ئاسایشی ژیان، بۆ ئەم مەبەستە حکومەتی هەرێمی کوردستان هەنگاوی جددی گرتووەتە بەر بۆ دابینکردنی یەکەی نیشتەجێبوون بۆ هاونیشتمانیان.