سوودانی لەگەڵ ئەندامانی پارتی لە ئەنجوومەنی پارێزگای کەرکووک کۆدەبێتەوە

ئاڤا نیوز  

لە چوارچێوەی هەوڵەکان بۆ گەیشتن بە ڕێککەوتن و پێکهێنانی حکومەتی خۆجێی لە کەرکووک، سەرۆکوەزیرانی عێراق لەگەڵ ئەندامانی فراکسیۆنی پارتی لە ئەنجوومەنی پارێزگای کەرکووک دەبێتەوە.

وێنە گەورەکە: تەنیا هەفتەیەک ماوە بۆ تەواوبوونی ئەو وادە یاساییەی بۆ کۆبوونەوەی لایەنەکان و پێکهێنانی حکومەتی خۆجێی لە کەرکووک دانرابوو.

ئەوەی پێویستە بیزانیت: پێشتر سەرۆکوەزیرانی عێراق بە جیا لەگەڵ هەریەک لە پێکهاتەی عەرەبی و تورکمانی لە ئەنجوومەنی پارێزگای کەرکووک کۆبووەتەوە، بڕیارە ئەمڕۆش بە جیا لەگەڵ ئەندامانی فراکسیۆنی پارتی و یەکێتیش لە ئەنجوومەنەکە کۆببێتەوە.

زانیاریی بەدەستهاتوو: محەممەد شیاع سوودانی، سەرۆکوەزیرانی عێراق ئەمڕۆ شەممە 3-8-2024 لە بەغدا لەگەڵ حەسەن مەجید و شۆخان حەسیب، ئەندامانی فراکسیۆنی پارتی لە ئەنجوومەنی پارێزگای کەرکووک کۆدەبێتەوە.