ئەمریکا و تاڵیبان دیل ئاڵوگۆڕ دەکەن

ئاڤا نیوز

 

واشنتن دیل لەگەڵ تاڵیبان ئاڵوگۆڕ دەکات، بڕیارە دیلێکی ئەمریکی بەرامبەر یاریدەدەرێکی بن لادن ئازاد بکرێت.

 

ڕێککەوتنەکە بەمشێوەیە: ئەمریکا ڕێککەوتنێکی لەگەڵ تاڵیبان کردووە بۆ ئازادکردنی محەممەد ڕەحیم ئەفغانی، کە یاریدەدەری تایبەتی ئوسامە بن لادن بووە، لەبەرامبەردا تاڵیبان زیندانیێکی ئەمریکی بەناوی ڕایان کۆربێت ئازاد دەکات. ئەمە بەپێی هەواڵێکی ماڵپەڕی ئەلعەرەبیە

 

زانیاریی زیاتر: چاوەڕوان دەکرێت سبەی دووشەممە ڕێککەوتنەکە جێبەجێ بکرێت و ئاڵۆگۆڕی دیلەکان بکەن.

 

ئەوەی پێویستە بیزانیت: لە ڕۆژی 10-08-2022، هەواڵگریی تاڵیبان ڕایان کۆربێتی ئەمریکی بە تۆمەتی سیخوڕیکردن بۆ واشنتن و ئاشکراکردنی شوێنی ئەیمەن زەواهیری لە شاری کابول دەستگیرکرد؛ هاوکات یاریدەدەری بن لادن لە ساڵی 2007 لە پاسێکی گشتی شاری لاهوردا لەلایەن هێزەکانی پاکستانەوە دەستگیرکرا، دواتر لە ساڵی 2008 بۆ زیندانی گوانتانامۆی ئەمریکا گواسترایەوە.