هێزی پێشمەرگە ئۆپەراسیۆنێکی بۆ ڕاماڵینی داعش ئەنجام دا

ئاڤا نیوز 

وەزارەتی پێشمەرگە ڕایگەیاند، بۆ کێوماڵکردنی چەکدارانی داعش ئۆپەراسیۆنێکی گەڕان و پشکنینیان لە سنووری قەرەهەنجیر و دەوروبەری ئەنجام داوە.

ڕاگەیێنراوی فەرمی: ڕۆژی 1-8-2024، وەزارەتی پێشمەرگە بڵاویکردەوە، لیوای یەکی پیادە لەسنووری قەرەهەنجیر و گوندەکانی، ئۆپەراسیۆنێکی هاوبەشیان بۆ گەڕان و پشکنین بەدوای حەشارگەکانی داعش ئەنجام داوە.

ئەوەی پێویستە بیزانیت: ئەو شوێنانەی ئۆپەراسیۆنەکەی تێدا کراوە گومانی هەبوونی داعشی لێ دەکرێت.

بۆچی گرنگە: ئەم جۆرە ئۆپەراسیۆنانە دڵنیایی دەدەن، لە پاککردنەوەی داعش لەو ناوچانە و گەڕانەوەی ئەمنیەت و ئاسایش بۆ خەڵک.   

وێنە گەورەکە: چەکدارانی داعش لە چەند ناوچەیەکی جێناکۆک کە بۆشایی ئەمنییان تێدایە هەلیان قۆستووەتەوە و دەستیان بە جموجوڵ کردووەتەوە.