نەتەنیاهۆ: ئامادەین بۆ هەموو سیناریۆیەک

ئاڤا نیوز

دوای کوژرانی ئیسماعیل هەنییە سەرۆکی مەکتەبی سیاسی حەماس، بنیامین نەتەنیاهۆ سەرۆکوەزیرانی ئیسرائیل گوتارێکی پێشکەشکرد و ڕایگەیاند "ئامادەن بۆ هەموو سیناریۆیەک".

وێنە گەورەکە: کاتژمێر 02:00ـی بەرەبەیانی ئەمڕۆ، ئیسماعیل هەنییە، سەرۆکی مەکتەبی سیاسیی بزووتنەوەی حەماس لە تاران کوژرا.

لێدوانی فەرمی: بنیامین نەتەنیاهۆ، سەرۆکوەزیرانی ئیسرائیل گوتارێکی پێشکەشکرد و ڕایگەیاند "ڕووبەڕووی هەر کەسێک دەبینەوە ببێتە هۆکار بۆ نائارامی وڵاتەکەمان".

زانیاریی زیاتر: "هەموو لایەک دەیەوێت من ئاگربەست بکەم و واز لە شەڕ بهێنم، بەڵام ئێمە بەردەوامین و هەرگیز ناهێڵین کەسێک هەبێت ئارامی ئیسرائیل لەناوببات، هەر وڵاتێک بیەوێت هێرش بکاتە سەرمان باجی قورس دەدات و لە هەر شوێنێکەوە هێرش بکرێتە سەرمان ڕووبەڕووی دەبینەوە".

 نەتەنیاهۆ وای گوت.