سەرۆکوەزیرانی ئیسرائیل لەبارەی ڕەفەح دڵنیایی دەدات

ئاڤا نیوز

لەکاتێکدا جیهان داوا دەکات ئیسرائیل هێرش نەکاتە سەر ڕەفەح، نەتەنیاهۆ ڕژدە لەسەر هێرشەکە و دڵنیاییش دەدات لە پاراستنی گیانی هاووڵاتیان.

لێدوانی فەرمی: بنیامین نەتەنیاهۆ، سەرۆکوەزیرانی ئیسرائیل بە کەناڵێکی ئەمریکی ڕاگەیاندووە: "سوپای ئیسرائیل گەرەنتی سەلامەتی پەڕینەوەی هاووڵاتیانی مەدەنی ئەو شارە دەکات، بەرلەوەی هێرشە چاوەڕوانکراوەکە دەستپێبکەین".

لەلایەکی دیکەوە: بزووتنەوەی حەماس هۆشداری دەدات لە ئەگەری هێرشەکەی ئیسرائیل بۆ ڕەفەح کارەساتی لێدەکەوێتەوە. ئیسرائیل بانگەشەی ئەوە دەکات زیاتر لە چوار کەتیبەی سەر بە حەماس لەو شارەدا بن.