نێچیرڤان بارزانی گەیشتە تاران

ئاڤا نیوز

بە مەبەستی بەشداریکردن لە ڕێوڕەسمی سوێندخواردنی سەرۆکكۆماری نوێی ئێران، سەرۆکی هەرێمی کوردستان گەیشتە تاران.

وێنە گەورەکە: بڕیارە ئەمڕۆ سێشەممە مەسعوود پزیشكیان، سەرۆككۆماری هەڵبژێردراوی ئێران، لە پەرلەمانی ئەو وڵاتە سوێندی یاسایی بخوات، جگە لە بەرپرسانی باڵای سیاسی، سەربازی و دادوەریی ئێران، نوێنەرانی 86 دەوڵەت و 104 دەستە و دامەزراوەی نێودەوڵەتی لە ڕێوڕەسمەكەدا ئامادە دەبن.

ڕاگەیێنراوی فەرمی: سەرۆکایەتی هەرێمی کوردستان بڵاویکردەوە: کەمێک پێش ئێستا، نێچیرڤان بارزانی، سەرۆکی هەرێمی کوردستان لەسەر  بانگهێشتی فەرمی گەیشتە تاران و بەشداری لە ڕێوڕەسمەكەدا دەکات.

لە لایەکی دیکەوە: سەرچاوەیەک بە ئاڤا نیوزی گوت: محەممەد شیاع سوودانی، سەرۆکوەزیرانی عێراق بەرەو تاران بەڕێکەوت بۆ بەشداریکردن لە ڕێوەرسمی سوێندخواردنی دەستبەکاربوونی مەسعود پزیشکیان وەک سەرۆککۆمار.