ئاڤا نیوز وردەکاری دروستکردنی شوقەی کرێنشینان ئاشکرا دەکات

ئاڤا نیوز 

 

گوتەبێژی دەستەی وەبەرهێنان ڕايگەیاند، لە پارێزگا و ئیدارە سەربەخۆکان ڕێکارە یاساییەکان بۆ دروستکردنی شوقەکان تەواوبووە و زەویيەکانیان دیاریکراوە.

وێنە گەورەکە: دەستەی وەبەرهێنان لە هەوڵدایە تا کۆتایی ساڵی 2024 بەردی بناغەی شوقەی کرێنشینان دابنێت.

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنانی هەرێمی کوردستان بە ئاڤا نیوزی گوت: لە پارێزگا و ئیدارە سەربەخۆکان ڕێکارە یاساییەکان بۆ دروستکردن شوقەکان تەواوبووە و زەویەکانیان دیاریکراوە، هاوکات وەبەرهێنەرەکانیش بۆ دروستکردنی شوقەکان دیاریکراون، جگە لە هەڵەبجە.

زانیاریی زیاتر: داوایەکمان پێشکەشی سەرۆکوەزیران بارزانی کردووە، بۆ ئەوەی تەمویلی دروستکردنی شوقەکان بانکی ناوەندی عێراق بیکات، بەو پێیەی ئەو مەبلەغەی دیاریکراوە بۆ ئەو 20 هەزار یەکەیە سەرووی 700 ملیۆن دۆلاری دەوێت. بەرگەشت ئاکرەیی وای گوت.

شوێنی دروستکردنی شوقەکان کوێیە؟
-سلێمانی، لەسەر ڕێگای تاسڵوجە زەوی دیاریکراوە.
-ئیدارەی گەرمیان، لە قەزای کەلار، ناحییەی ڕزگاری، قەزای کفری زەوی دیاریکراوە.
-هەولێر، لە کەرتی باغلومنارە، کەرتی 81ی گرەسوور، کەرتی پێنجی عەنکاوە.
-سۆران زەوییەکانی بادلیان و دێڵەزیان هەیە.
-دهۆک، بەشێکی دەکەوێتە سنووری سەرۆکایەتی شارەوانی دهۆک، بەشێکی لەسەر ڕێگای فەیدییە ،سێمێڵ، مسیریک.
-لە ناحێی کەڵەکچی، قەزای شێخان زەوی دیاریکراوە.
-ئامێدی، لە ناحێیەکانی قەدش، دێرەلوک، بامەرنێ، شیلادزی زەوی دیاریکراوە.
هەر پارێزگایەک چەند شوقەی  بەردەکەوێت؟ 
-ناوەندی سلێمانی چوار هەزار یەکەی نیشتەجێبوون دروست دەکرێت.
-ئیدارەی گەرمیان 900 یەکەی نیشتەجێبوون دروست دەکرێت، بەشێوەیەکی گشتی لە سنووری پارێزگای سلێمانی هەشت هەزار و 600 یەکەی نیشتەجێبوون دروست دەکرێت.
-پارێزگای هەڵەبجە، 440 یەکەی نیشەجێبوون دروست دەکرێت.
-هەولێر شەش هەزار یەکەی نیشتەجێبوون دروست دەکرێت.
-ئیدارەی سەربەخۆی سۆران 800 یەکەی نیشتەجێبوون دروست دەکرێت.
-دهۆک سێ هەزار و 700 یەکەی نیشتەجێبوونی لێ دروست دەکرێت، بەشێوەیەکی گشتیی سنوورەکەی چوار هەزار و 600 یەکەی تێدا دروست دەکرێت.
-ئیدارەی سەربەخۆی زاخۆ 891 یەکەی نیشتەجێبوونی لێ دروست دەکرێت.

لە هەڵەبجە هیچ زەوییەک دیاری نەکراوە
 تا ئێستا  لە پارێزگای هەڵەبجە هیچ زەوییەک دیاری نەکراوە و هیچ وەبەرهێنەرێکیش ئامادەیی دەرنەبڕیوە بۆ ئەوەی یەکەکانی کرێنشینان لە هەڵەبجە دروست بکات.