![ئاڤا نیوز بۆ یەکەمجار بەدواداچوون بۆ نەخۆشیی شێرپەنجەی چاو دەکات](/_next/image?url=https%3A%2F%2Fassets.ava.news%2Fnews%2F9926%2F0iuox01P0dimzOunkG7i.jpg&w=3840&q=100)
ئاڤا نیوز
شێرپەنجەی چاو، جۆرێکە لەو نەخۆشییە دەگمەن و مەترسیدارانەی تووشی چاو دەبێت. ئاڤانیوز زانیاریی ورد و تایبەت لەبارەی نەخۆشییەکە و ژمارەی تووشبووانی لە هەرێمی کوردستان ئاشکرا دەکات.
بۆچی گرنگە: یەکێکە لەو نەخۆشییە مەترسیدارانەی بە درەنگ چارەسەرکردنی، دەبێتە هۆی لەدەستدانی بینین و هەندێجار دەرهێنانی چاوی نەخۆش.
وێنە گەورەکە: شێرپەنجەی چاو تووشی ( پێڵوی چاو، ماسوولکەی چاو، دەمار و ملوولەکانی خوێن، تۆڕی چاو و سپێنەی چاو) دەبێت. چاو بۆ دەرەوە دەردەپەڕێنێت و بەرەو خانەکانی مێشکیش تەشەنە دەکات.
لێدوانی تایبەت: پڕۆفیسۆر یەکتا شیندول، خەڵکی باکووری کوردستانە و سێ ساڵە لە هەولێر کار دەکات، بۆ یەکەمجار چەند زانیارییەک لەبارەی نەخۆشییەکە لە کوردستان بۆ ئاڤا نیوز ئاشكرا دەکات و دەڵێت: زۆرترین ئەو کەسانەی تووشی نەخۆشییەکە دەبن، منداڵانی تازە لەدایکبوو و کەسانی سەرووی 50 ساڵن".
نیشانەکان: گرێیەک لەسەر پێڵووی چاو دروست دەبێت و جارجارە تووشی ئیلتیهابات و خوێنبەربوون دەبێت، یاخود بینین لاواز دەبێت، هەروەها کەسی تووشبوو هەست بە جووت بینین دەکات، هەندێکجاریش خێل دەبێت، لە کاتی هەستکردن بەم نیشانانە پێویستە نەخۆش سەردانی پزیشک بکات.
هۆکارەکان: زۆری تیشکی خۆر و بەرزی پلەی گەرمی لە هۆکارە سەرەکییەکانن بۆ ئەوەی خەڵکی شارەکانی هەرێمی کوردستان و بەتایبەت پارێزگاکانی عێراق تووشی ئەم نەخۆشییە بن.
چارەسەرەکان: نەشتەرگەری و لابردنی گرێیەکە چارەسەری سەرەکییە. لە ئەگەری تەشەنەکردنی نەخۆشییەکە و دروستکردنی مەترسی لەسەر بەشەکانی دیکەی چاو، چاوەکە دەردەهێنرێت و چاوێکی شووشەیی لە شوێنی دادەنرێت.
بۆ دایک و باوکان: بۆ ئەو منداڵانەی تازە لەدایک دەبن، ئەگەر کاردانەوەی هەردوو چاوی منداڵەکە بۆ ڕووناکی وەکو یەک نەبوو، دەبێت بێ دواکەوتن پشکنینی بۆ بکرێت.
ژمارەکان وادەڵێن: بەپێی ئامارێکی نەخۆشخانەی وێست ئای تایبەت بە چاو لە هەولێر، لە شەش مانگی سەرەتای ئەمساڵ نزیکەی 100 کەس بە گومانی تووشبوون بە نەخۆشییەکە سەردانی کردوون، لەو ژمارەیە 02%ی نەخۆشەکان شێرپەنجەی چاویان هەبووە و نەشتەرگەرییان بۆ کراوە.
لەلایەکی دیکەوە: هەرچەندە وەزارەتی تەندروستی هیچ ئامارێکی لانەبوو، بەڵام بەپێی خەمڵاندنەکانیان بۆ ئاڤا نیوز، تەنیا 2% بۆ 3% ی ئەو کەسانەی کێشەی چاویان هەیە تووشبووی شێرپەنجەکەن.
خاڵی ئەرێنی: بەپێی بەدواداچوونەکانی ئاڤا نیوز و ئامارە بەردەستەکان، نەخۆشیی شێرپەنجەی چاو جارێ نەبووەتە نەخۆشییەکی ترسناکی بەربڵاو بۆ خەڵکی کوردستان.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 5 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
17 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
18 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- تەندروستی
- 15 کاتژمێر لەمەوپێش
پلانی کۆنتڕۆڵکردنی ئاوڵەی مەیموون لە ئەفریقا جێبەجێ دەکرێت
- تەندروستی
- 17 کاتژمێر لەمەوپێش
داهێنانێکی نوێ ئەندامەکانی ناوەوەی لەش نیشان دەدات