زۆرینەی قوتابییە یەكەمەكانی پۆلی 12 لە قوتابخانە حكومییەكانن

ئاڤا نیوز  

زۆرینەی ئەو قوتابیانەی ناویان لە ڕیزبەندی سێ یەكەمەكانی زانستی و وێژەیی سەر ئاستی هەرێمی كوردستان هەیە، قوتابی قوتابخانە حكومیەكانن.

وێنە گەورەکە: ئێوارەی دوێنێ ئالان حەمەسەعید، وەزیری پەروەردەی حکومەتی هەرێمی کوردستان ئەنجام و وردەکاری تاقیکردنەوە گشتییەکانی پۆلی 12ی ئامادەیی بە هەموو بەشەکانییەوە بۆ ساڵی خوێندنی 2023-2024 ڕاگەیاند.

چیرۆكی سەرەكی: بەپێی ئەو داتا و زانیارییانەی دەست ئاڤا نیوز كەوتوون، لە كۆی 28 قوتابیی سێ یەكەمەكانی زانستی و وێژەیی لەسەر ئاستی هەرێمی كوردستان تەنیا سێ قوتابییان لە قوتابخانەی ناحكومی بوون.

لێدوانی فەرمی: ئالان حەمەسەعید، وەزیری پەروەردەی حكومەتی هەرێمی كوردستان ڕایگەیاند: قوتابییە یەكەمەكانی سنووری پارێزگای سلێمانی و گەرمیان و هەڵەبجە، لەو قوتابخانانە بوونە كە پابەندی ساڵنامەی وەزارەتی پەروەردە بوون و بایكۆتی خوێندنیان نەكرد.