کاتی تاپۆکردنی خانووی زێدەڕۆ لە دهۆک کۆتایی دێت

ئاڤا نیوز  

بەرپرسی بەشی موڵکایەتی و زەوی لە سەرۆکایەتی شارەوانی دهۆک ڕایگەیاند، ئەو ماوەیەی بۆ تاپۆکردنی خانووی زێدەڕۆ لە دهۆک دیاری کرابوو کۆتایی دێت.

لێدوانی فەرمی: عیسام محەممەد، بەرپرسی بەشی موڵکایەتی و زەوی لە سەرۆکایەتی شارەوانی دهۆک بە ئاڤا نیوزی ڕاگەیاند:" لە 9-9-2024، بڕیاری تاپۆکردنی خانووە زێدەڕۆکان لە دهۆک کۆتایی دێت و  تاوەکو ئێستا بڕیاری تاپۆکردن لە لیژنەی باڵای پارێزگای دهۆکەوە بۆ 707 خانوو دەرکراوە".

ژمارەکان وادەڵێن: لە سنووری شارەوانی ڕۆژهەڵات، پێنج هەزار و 964 مامەڵە داواکراون، لە سنووری شارەوانی ڕۆژئاوا، هەزار و 200 مامەڵە داواکراون بۆ تاپۆکردن، لە سنووری شارەوانی ڕۆژهەڵات چوار هەزار و959 خانوو مەرجی تاپۆکردن دەیانگرێتەوە، لە ڕۆژائاواش سێ سەد و 50 خانوو مەرجی تاپۆکردن دەیانگرێتەوە.

بۆچی گرنگە: هاووڵاتییان پێویستە تا ئەو کاتەی دیاری کراوە، بەدەم مامەڵەکانیانەوە بچن.