دیوانی چاودێریی دارایی عێراق: دەستمان بە وردبینکردنی لیستی مووچەخۆرانی هەرێم کردووە

ئاڤا نیوز 

 

دیوانی چاودێریی دارایی فیدراڵیی عێراق دەستکردن بە وردبینکردنی میلاک و مووچەی هێزە سەربازییەکان و فەرمانبەرانی شارستانیی هەرێمی کوردستانی ڕاگەیاند.

بۆچی گرنگە: تاوەکو ئێستا مووچەی پێشمەرگە و هێزە ئەمنییەکان بۆ هەردوو مانگی 5 و 6 لەلایەن بەغداوە خەرج نەکراوە، ئەنجوومەنی وەزیرانی هەرێمی کوردستانیش داوای لە حکومەتی فیدراڵ کردووە "هەرچی زووە" مووچەکانیان خەرج بکات.

ڕاگەێنراوی فەرمی: تیمی دیوانی چاودێریی دارایی فیدراڵی ڕۆژی چوارشەممە 10-7-2024 بە هەماهەنگی لەگەڵ دیوانی چاودێری دارایی هەرێمی کوردستان دەستیان کرد بە کاری چاودێری و وردبینی میلاک و مووچەی هێزە سەربازییەکان و فەرمانبەرانی شارستانیی هەرێمی کوردستان.

 

زانیاریی زیاتر: دیوانی چاودێری دارایی فیدراڵیی عێراق دەڵێت، بۆ بەجێگەیاندنی ئەو ئەرکەش زنجیرەیەک کۆبوونەوە لەگەڵ بەشە پەیوەندیدارەکان ئەنجامدرا.