قەبارەی هەناردەکردنی کاڵاکانی ئێران بۆ عێراق 27% زیادی کردووە

ئاڤا نیوز

لە ماوەی سێ مانگی ڕابردوودا قەبارەی هەناردەکردنی بەرهەم و کاڵاکانی ئێران بۆ عێراق بە ڕێژەی 27% زیادی کردووە.

 

وێنە گەورەکە: عێراق لە دابینکردنی بەشێکی زۆری کاڵاکانی پشت بە هاوردەکردنی بەرهەمەکانی ئێران دەبەستێت و لە سێ مانگی ڕابردوودا قەبارەی هەناردەکردنی ئێران بۆ عێراق 27% زیادی کردووە بەروارد بە هەمان ماوەی ساڵی ڕابردوو.

 

ڕاگەیێنراوی فەرمی: فەرزاد بێلتن، بەرپرسی سەرپەرشتیاری ڕاوێژکاری بازرگانیی ئێران لە بەغدا، لە ڕاپۆرتێکدا ڕایگەیاند، "بەپێی ئامارەکانی گومرگی ئێران قەبارەی هەناردەکردنی ئێران بۆ عێراق لە سێ مانگی ڕابردوودا گەیشتە سێ ملیار دۆلار بەراورد بە هەمان مانگ لە ساڵی ڕابردوو بە ڕێژەی 27% زیادی کردووە کە دوو ملیار و 346 ملیۆن دۆلار بوو".

 

زانیاریی زیاتر: بەپێی ئاژانسی فەرمیی ئێران گرنگترین کاڵا هاوردەکراوەکانی ئێران بۆ عێراق بریتین لە، گازی سروشتی، ئاسن، پۆڵا و سێو.

 

لەلایەکی دیکەوە: ژووری بازرگانیی ئێران و عێراق پێشبینی دەکات قەبارەی هەناردەکردنی ئێران بۆ عێراق بگاتە 12 ملیار دۆلارە ساڵانە.