کارمەندانی بەنداوی موسڵ مانده‌گرن

ئاڤا نیوز

بەهۆی بڕینی شایسته‌ داراییه‌كانیانه‌وه‌ بۆ ماوەی شەش مانگ ، کارمەندانی بەنداوی موسڵ كاره‌كانیان ڕاگرتووە.

بۆچی گرنگه‌: ڕاگرتنی کارکردن بۆ چارەسەرکردنی درزەکانی دیواری بەنداوەکە مەترسی له‌سه‌ر داڕمانی دروست ده‌كات.

لێدوانی فەرمی: "ئەندازیار محەممەد خالید، یاریدەدەری بەڕێوەبەری بەنداوی موسڵ، هەواڵەکەی ڕەتکردەوە و بە ئاڤا نیوزی گوت:" کارکردن لەبەنداوه‌كه‌ بەردەوامە و ڕانەگیراوە" .

له‌ لایه‌كی دیكه‌وه‌: وەزارەتی سه‌رچاوه‌ ئاوییه‌كانی عێراق بڵاویکردەوە:"شایسته‌ داراییه‌كانی كارمه‌ندانی بەنداوەکە بەتەواوی پارێزراوە و هیچ هەوڵێکیش نییه‌ بۆ پاشه‌كه‌وتكردنی ، وه‌ك ئەوەی هەندێک لە دەزگاکانی ڕاگەیاندن بڵاویان كردوه‌ته‌وه‌".

باکگراوند: بەنداوی موسڵ لە ساڵی 1983 دروستکراوە و درێژییەکەی 3.2 کیلۆمەتره‌ و بەرزییەکەی 131 مەترە، گەورەترین بەنداوی عێراقه‌، چوارەم گەورەترین بەنداوی ڕۆژهەڵاتی ناوەڕاستە.