دەست بە دابەشکردنی مووچەی مانگی شەش دەکرێت

ئاڤا نیوز

وەزارەتی دارایی عێراق بڕیاری خەرجکردنی مووچەی مانگی شەشی داوە و سبەی چوارشەممە یەکەم گوژمە دەخرێتە سەر هەژماری هەرێمی کوردستان.

وێنە گەورەکە: دوای ناردنی یەکەم گوژمەی پارە، وەزارەتی دارایی و ئابووری هەرێمی کوردستان لیستی مووچە ڕادەگەیێنێت و دەست بە دابەشکردنی مووچەی ئەو وەزارەت و توێژانە دەکرێت کە پارەیان بۆ خەرج کراوە.

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان بە ئاڤا نیوزی گوت: بڕیاری خەرجکردنی مووچەی مانگی شەش لەلایەن وەزارەتی دارایی عێراق دراوە و بڕیارە سبەی یەکەم گوژمەی پارەکە بگات.

زانیاریی زیاتر: هاوشێوەی مانگەکانی ڕابردوو وەزارەتی دارایی عێراق بە چەند گوژمەیەک پارەی مووچە بۆ هەرێمی کوردستان دەنێرێت.