10 حاڵەتی تای خوێنبەربوون لە نەینەوا تۆمار دەکرێن

ئاڤا نیوز 

تەندروستی نەینەوا تووشبوونی 10 کەس و گیانلەدەستدانی دوو کەس، بەهۆی تووشبوون بە تای خوێنبەربوون لە پارێزگاکە ڕاگەیاند.

وێنە گەورەکە: تای خوێنبەربوون نەخۆشییەکی ڤایرۆسییە و لە ئاژەڵەوە بۆ مرۆڤ دەگوازرێتەوە.

ئەوەی پێویستە بیزانیت: نیشانەکانی نەخۆشییەکە بریتین لە بەرزبوونەوەی پلەی گەرمیی جەستە، سەرئێشە و خوێنبەربوونی ژێر پێست. ڕێژەی مردنیش لەنێو تووشبوواندا 10٪ بۆ 40٪ـە.

لێدوانی فەرمی: لە سەرەتای ئەمساڵەوە تاوەکو ئێستا 10 حاڵەتی تای خوێنبەربوونی لە سەرتاسەری پارێزگای نەینەوا تۆمارکراوە، دوو حاڵەتیان گیانیان لەدەستداوە." دکتۆر بەشار جادر، گوتەبێژی تەندروستیی نەینەوا وای بە میدیای عێراقی گوتووە.

زانیاریی زیاتر: هەفتەی ڕابردوو مردنی ژنێکی تووشبوو بە تای خوێنبەربوون لە موسڵ ڕاگەیێنرا، هاوکات لەماوەی ئەمساڵدا 11 حاڵەتی گوماناوی تای خوێنبەربوون تۆمارکراون".

باكگراوند: تا ئێستا 60 حاڵەتی نەخۆشی تای خوێنبەربوون لە عێراق تۆمارکراوە، هەشت لەوانە گیانیان لە دەست داوە. لە هەرێمی کوردستانیش دوو حاڵەتی نەخۆشییەکە هەبووە.