لیستی مووچەی مانگی شەش ڕەوانەی بەغدا دەکرێت

ئاڤا نیوز

سەرەتای هەفتەی داهاتوو لیستی مووچەی مانگی شەشی فەرمانبەران و پێشمەرگە و هێزە ئەمنییەکان پێکەوە ڕەوانەی بەغدا دەکرێت.

وێنە گەورەکە: بەپێی یاسای بودجەی 2024 و ڕێککەوتنی نێوان هەردوو حکومەتی هەرێمی کوردستان و حکومەتی عێراق، ناردنی مووچەی مووچەخۆران و فەرمانبەرانی هەرێمی کوردستان مسۆگەر کراوە.

لێدوانی فەرمی: سەرچاوەیەک لە وەزارەتی دارایی و ئابووری بە ئاڤا نیوزی گوت: "پێشتر وەزارەتەکان ئاگادارکراونەتەوە لە 10ـی مانگ لیستی ناوەکانمان بۆ بنێرن، بەڵام لەبەر پشووی جەژن ئەم مانگە دواکەوت، لەگەڵ دەستپێکی دەوام لیستەکان دەنێرن و ئێمەش ڕاستەوخۆ بۆ بەغدای دەنێرین".

 

زانیاریی زیاتر: وەزارەتی دارایی لیستی مووچەی مانگی شەشی هێزە ئەمنییەکانیش لەگەڵ لیستی فەرمانبەران بۆ بەغدا ڕەوانە دەکات.

 

ئەوەی پێویستە بیزانیت: ناردنی مووچە چوار تا پێنج ڕۆژی دەوێ تا بەغداش وردبینی بکات و پارەکە بنێرێت.