ئێران چالاکوانێکی ئافرەتان سزا دەدات

ئاڤا نیوز

 

دادگای ئێران سزای ساڵێک زیندانی بەسەر نەرگس محەممەدی چالاکوانی بواری ئافرەتان و خاوەنی خەڵاتی نۆبڵ بۆ ئاشتی  بۆ ساڵی 2023 سەپاند.

 

هۆکارە زانراوەکان: نەرگس محەممەدی بە تۆمەتی پڕوپاگەندەکردن لە دژی دەوڵەتی ئێران ئەو سزایەی بۆ دەرچووە.

 

ڕاگەیێنراوی فەرمی: مستەفا نیلی، پارێزەرەکەی نەرگس محەمەدی لە ئێکس ڕایگەیاند، بەپێی حوکمی ژمارە 29 دادگای ئینقلاب لە تاران، نەرگس محەمەدی بە تۆمەتی پڕوپاگەندە دژی دەوڵەت بە یەک ساڵ زیندان سزا درا.

 

باکگراوند: نەرگس محەممەدی تەمەنی 52 ساڵە و لە تشرینی دووەمی ساڵی 2021ەوە زیندانی کراوە، ئەو چالاکوانە لە ماوەی 25 ساڵدا بە تۆمەتی ڕەتکردنەوەی حیجابی ناچاری و سزای لەسێدارەدان سزا دراوە، چەندین جاریش زیندانی کراوە.

 

ئەوەی پێویستە بیزانیت: لە دوای شۆڕشی ئیسلامییەوە ساڵی 1979ەوە، یاسا لە ئێراندا ژنانی ناچار کردووە پابەندی ڕێساکان بن قژیان لە شوێنە گشتییەکان بشارنەوە .