عێراق بە بڕی 50 ملیۆن دۆلار سەوزە و میوە لە تورکیاوە هاوردە دەکات

ئاڤا نیوز

 

عێراق لە مانگی ڕابردوو بە بڕی نزیکەی 50 ملیۆن دۆلار سەوزە و میوەی لە تورکیاوە هاوردە کردووە.

 

وێنە گەورەکە: عێراق بۆ پڕکردنەوەی پێداویستی ناوخۆی بەرهەمی سەوزە و میوە پشت بە تورکیا دەبەستێت، ساڵانە بە بڕی سەدان ملیۆن دۆلار سەوزە و میوەی جۆراوجۆر لەو وڵاتەوە هاوردە دەکات.

 

ڕاگەیێنراوی فەرمی: فەرحات گۆروز، سەرۆکی ئەنجوومەنی کۆمەڵەی هاوردەکردنی سەوزە و میوە لە ناوچەی دەریای سپی ناوەڕاستی تورکیا ڕایگەیاند،  لە مانگی ئایاری ڕابردوو بە بەهای 49.8 ملیۆن دۆلار  سەوزە و میوەمان بۆ عێراق هەناردە کردووە.

 

زانیاریی زیاتر: قەبارەی هەناردەکردنی سەوزە و میوە بۆ عێراق بە ڕێژەی 339٪ زیادی کردووە، فەحات گۆروز ئەوەشی گوت.