ئیسرائیل بیر لە گواستنەوەی بەرەی شەڕ لە غەززە بۆ لوبنان دەکاتەوە

ئاڤا نیوز

ئیسرائیل دەیەوێت سەرنجی خۆی بۆ سەر شەڕی حەماس لە غەززە یان حیزبوڵڵای لوبنان یەکلایی بکاتەوە. 

وێنە گەورەکە: دامەزراوەی ڕادیۆ و تەلەڤزیۆنی ئیسرائیل بە پشتبەستن بە سەرچاوە ئەمنییەکانی ئەو وڵاتە بڵاوی کردووەتەوە، سوپای ئیسرائیل تاوەکو دوو هەفتەی دیکە کۆتایی بە ئۆپەراسیۆنی ڕەفەح دێنێت، دوای ئەوە بڕیار لە سەر ئەوە دەدات بەرەی شەڕ لە غەززە بمێنێتەوە یان بۆ لوبنانی بگوازێتەوە.

زانیاریی زیاتر: سوپای ئیسرائیل دەیەوێت تاوەکو ئازادکردنی تەواوی بارمتەکانی درێژە بە شەڕی غەززە بدات، لەوەش دڵنیابێتەوە چیدی حەماس ئیدارەی غەززەی بەدەستەوە نابێت.