عێراق 7 هەزار تۆمەتباری هۆشبەر قۆڵبەست دەکات

ئاڤا نیوز

 

لە عێراق دەستگیرکردنی نزیکەی حەوت هەزار تۆمەتباری پەیوەست بە بازرگانیکردن و بەکارهێنەرانی ماددە هۆشبەرەکان ڕاگەیەندرا.

 

وێنە گەورەکە: لە عێراق بەکارهێنان و بازرگانیکردن بە ماددە هۆشبەرەکان و کارتێکەرە عەقڵییەکان بەشێوەیەکی بەرچاو زیادی کردووە.

 

لێدوانی فەرمی: "لە شەش مانگی یەکەمی ئەمساڵ، نزیکەی حەوت هەزار کەس بە تاوانی ماددە هۆشبەرەکان قۆڵبەست کراون" حەسەن تەمیمی، گوتەبێژی بەڕێوەبەرایەتیی کاروباری ماددە هۆشبەرەکانی عێراق وا دەڵێت.

 

زانیاریی زیاتر: تەمیمی ئەمەش دەڵێت: "هەر لەو ماوەیەدا، 30 بازرگان لەکاتی ڕووبەڕووبوونەوەی چەکداری کوژراون و برینداربوون".

 

باکگراوند: لە ماوەی ساڵانی 2023- 2024، سزای لە سێدارەدان و زیندانیی هەمیشەیی بۆ نزیکەی 100 تاوانباری نێوخۆیی و نێودەوڵەتیی ماددە هۆشبەرەکان دەرکراوە.