سبەی مووچەی مانگی ئایاری خانەنشینانی پێشمەرگەو ناوخۆ دابەش دەکرێت

ئاڤا نیوز

 

وەزارەتی دارایی و ئابووری رایگەیاند، سبەی مووچەی مانگی ئایاری خانەنشینانی پێشمەرگە و ناوخۆ دابەشدەكرێت. 

 

ڕاگەیێنراوی فەرمی: وەزارەتی دارایی و ئابوریی هەرێمی کوردستان لە ڕاگەیێنراوێكدا بڵاویکردەوە: سبەی هەینی مووچەی مانگی ئایاری خانەنشینانی سەربازیی خانەنشینی پێشمەرگە و خانەنشینی هێزەكانی ناوخۆ دابەشدەكرێت.

 

زانیاریی زیاتر: بۆ ئەو مەبەستە دەوامی سەرجەم ئەو بانكانە كراوە دەبن كە ئەركی دابەشكردنی مووچەی ئەو چین و توێژانەیان لە ئەستۆدایە.

 

لە لایەکی دیکەوە: تا ئێستا مووچەی مانگی پێنجی هێزە سەربازی و ئەمنییەکان لە لایەن بەغداوە نەنێردراوە، لە کاتێکدا ئەمڕۆ وەزارەتی دارایی عێراق وردبینی لیستی مووچەی مانگی پێنجـی هێزە ئەمنییەکان تەواو کرد، بڕی پارەی تەرخانکراوەکەشی پەسەند کردووە.