گرافیکی ئاڤا نیوز
ئاڤا نیوز
نزیکەی حەوت مانگە پۆستی سەرۆکی پەرلەمان کە پشکی پێکهاتەی سوننەیە بە چۆڵی ماوەتەوە، و بەم هۆیەشەوە هێزە سوننەکان دابەش بوونە چەند بەرەیەک و کاریگەریی کردووەتەوە سەر هاوپەیمانێتییەکان.
وێنە گەورەکە: لەوەتەی محەممەد حەلبووسی لە سەرۆکایەتیی پەرلەمان لەسەر سکاڵای پەرلەمانتارێكی حیزبەکەی بە بڕیاری دادگەی فیدراڵی دورخراوەتەوە، تا ئێستا پەرلەمانی عێراق پێنج جار هەوڵیداوە شوێنگرەوەکەی دەستنیشان بکات، بەڵام بەهۆی پەرتەوازەیی و ڕێکنەکەوتنی لایەنە سوننەکان سەرکەوتوو نەبوو لە یەکلاکردنەوەی پۆستەکە.
زانیاریی زیاتر: لە ڕۆژی 18 مانگی ڕابردوو، پەرلەمانی عێراق بۆ هەڵبژاردنی سەرۆکی پەرلەمان کۆبووەوە و مەحموود مەشهەدانی بە پاڵپشتیی حەلبووسی 137 دەنگی بەدەست هێنا، سالم عیساوی بە پشتیوانیی هەر سێ لایەنەکەی دیکەی سوننە 158 دەنگی بەدەستهێنا، بەڵام لە گەڕی نوێی دەنگدان بەهۆی شەڕی نێوان پەرلەمانتارانی سوننە دانیشتنەکە هەڵگیرا.
ئەوەی پێویستە بیزانیت: 11 پهرلهمانتار و ئەندامی ئەنجوومەنی پارێزگا لە پارتی تەقەدووم، كه محممهد حهلبوسی سهرۆك پهرلهمانی دوورخراوە سەرۆکایەتیی دەکات، جیابوونهوهی خۆیان ڕاگەیاند و بڕیاری دامەزراندنی بەرەیەکی سیاسی سهربهخۆیان دا بە ناوی "موبادەرە".
درێژەی ڕاپۆرتەکە....
چوارچێوەی هەماهەنگی هەوڵی پەرتەوازەکردنی تەقەدووم دەدات
ڕۆژنامەی "شەرقولئەوسەت" بڵاویكردووەتەوە: لایەنێک لە چوارچێوەی هەماهەنگی لەم دواییانەدا لەگەڵ هاودژەکانی حەلبووسی ڕێکەوتنی کردووە لەسەر پاڵپشتی کردنی زیاد جەنابی بەمەرجێک لە هاوپەیمانیی تەقەدووم بکشێتەوە، ئەمەش وایکرد جەنابی و بەشێک لە ئەندامانی هاوپەیمانیی تەقەدووم جیاببنەوە و هاوپەیمانەتییەکی نوێ ڕابگەیێنن.
لایەنە سوننەکانی دژی حەلبووسی سوودمەندن
لایەنە سوننییەکانی بەرەی دژە حەلبووسی، پێشوازییان لەو هەنگاوە کرد و بە گرنگ ناویان برد.
حیزبی سیادە بە سەرۆکایەتیی خەمیس خەنجەرڕایگەیاند: "پێشوازی لە پرۆژەی موبادەرە دەکەین و هیوای سەرکەوتنیان بۆ دەخوازین لە هەوڵەکانیان بۆ چارەسەرکردنی ئەو بنبەستە سیاسییە چەند مانگێکە لە ئارادیە".
هاوپەیمانیی عەزم بە سەرۆکایەتیی پەرلەمانتار موسەننا سامەرائی لە بەیاننامەیەکدا ڕایگەیاند: "دامەزراندنی هاوپەیمانیی موبادەرە پێشهاتێکی گرنگە بۆ گۆڕەپانی سیاسی لە عێراقدا". ئامادەیی خۆی بۆ هاوکاریکردنی هاوپەیمانەتییە نوێیەکە دووپاتکردەوە.
هەڵوێستی هێزە شیعەکان
هاوپەیمانی چوارچێوەی هەماهەنگی دامەزراندنی هاوپەیمانیی موبادەرە بە فاکتەرێک دادەنێت بۆ خێراترکردنی یەکلاکردنەوەی پۆستی سەرۆکی پەرلەمان.
عائید هیلالی، ئەندامی هاوپەیمانیی چوارچێوەی هەماهەنگی ڕایگەیاند:"ئەم جیابوونەوەیە پرۆسەی هەڵبژاردنی پۆستی سەرۆکایەتیی پەرلەمان خێراتر دەکات و دەرنجامەکان بەم زووانە دیار دەبێت".
و عەلی زوبەیدی، ئەندامی هاوپەیمانیی فەتح گوتی:"ئەو هەژموون و دیکتاتۆریەتەی حەلبووسی لە سەرۆکایەتیی پەرلەمان بەکاری دەهێنا تووشی شکستی كرد".
ئەو جموجۆڵانە هەڵبژاردنی سەرۆکی پەرلەمان خێراتر دەکات
موسەننا ئەمین، پەرلەمانتاری عێراق بە ئاڤا نیوزی گوت: "جیابوونەوەی بەشێک لە ئەندامانی هاوپەیمانیی تەقەدووم پرسی هەڵبژاردنی سەرۆکایەتیی پەرلەمان لە بەرژەوەندیی سالم عیساوی ئاسان و خێراتر دەکات، کە سەر بە بەرەی کێبڕکێکاری حەلبووسی و هاوپەیمانییەتەکەیەتی".
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- عێراق
- 13 کاتژمێر لەمەوپێش
وەزیری پێشووتری دارایی عێراق ڕەخنە لە سیستەمی ئابووری جیهان دەگرێت
- عێراق
- 13 کاتژمێر لەمەوپێش
سێ چەکداری داعش لە چیای حەمرین کوژران
- عێراق
- 13 کاتژمێر لەمەوپێش
عێراق دەیەوێت کۆتایی بە شەڕی خێڵەکی بهێنێت
- عێراق
- 14 کاتژمێر لەمەوپێش
زیاتر لە 40 ملیۆن هاووڵاتی عێراق خاوەنی کارتی نیشتمانین
- عێراق
- 15 کاتژمێر لەمەوپێش
پلەکانی گەرما لە عێراق بۆ ڕۆژانی داهاتوو بەرزتر دەبنەوە
- عێراق
- 19 کاتژمێر لەمەوپێش
عێراق و ئەمریکا لەسەر کشانەوەی هێزەکانی هاوپەیمانان دەگەنە ڕێککەوتن