یەکێتیی ئەوروپا: ئۆکراینا مەرجەکانی دەستپێکردنی گفتوگۆکانی بەئەندامبوونی جێبەجێکردووە

ئاڤا نیوز

کۆمیسیۆنی یەکێتیی ئەوروپا بە دەوڵەتانی ئەندامی ڕاگەیاندووە، هەر یەکە لە ئۆکراینا و مۆڵدۆڤا هەموو ئەو پێوەرانەیان تێدایە کە پێویستن بە دەستپێکردنی گفتوگۆکانی بەئەندامبوون لە یەکێتییەکە.

وێنە گەورەکە: لە 25ـی حوزەیرانی ئەمساڵەوە، گفتوگۆکانی بەئەندامبوونی یەكێتیی ئەوروپا بە شێوەی فەرمی دەست پێدەکەن. 

زانیاریی زیاتر: وەرگرتنی ئەندامی نوێ لە یەکێتیی ئەوروپا پیویستی بە کۆی دەنگی ئەندامەکان هەیە. پێدەچێت هەنگاریا کە یەكێکە لە 27 ئەندامەکەی یەکێتیی ئەوروپا و نزیکترین دەوڵەتی یەکێتییەکەیە لە ڕووسیاوە، بە ئاسانی بە ئەندامبوونی ئۆکراینا ڕازی نەبێت. 

بۆچی گرنگە: بە ئەندامبوونی ئۆکراینا لە یەکێتیی ئەوروپا پاڵپشتی زیاتری یەکێتییەکە بۆ ئەو وڵاتە بە دوای خۆیدا دێنێت، کە زیاتر لە دوو ساڵە لە دژی ڕووسیا لە شەڕدایە.