لە پارێزگایەکی عێراق فەرمانبەرانی گرێبەست خۆپیشاندان دەکەن

ئاڤا نیوز 

بە دەیان فەرمانبەری گرێبەست لە کۆمپانیای نەوتی زیقار بۆ بەهەمیشەیی دامەزراندنیان خۆپیشاندنیان کرد، لەبەرامبەردا هێزە ئەمنییەکان بۆ بڵاوەپێکردنیان تووندوتیژییان دژیان بەکارهێنا و برینداری لێکەوتەوە.

ڕاگەیێنراوی فەرمی: میدیا عێراقییەکان بڵاویانکردەوە: بە دەیان کەس لە فەرمانبەرانی کۆپانیای نەوت لە پارێزگای زیقار خۆپیشاندانیان ئەنجامدا لەبەرامبەردا هێزە ئەمنییەکانی پارێزگاکە تووندوتیژییان دژی خۆپیشاندەران بەکارهێناو لە ئەنجامدا 15 کەس برینداربوون و 39 کەسی دیکەش دەستگیرکران.

زانیاریی زیاتر: تائێستا وەزارەتی نەوتی عێراقی هیچ بڕیار یان ڕوونکردنەوەیەکی لەبارەی خۆپیشاندانەکە نەداوە.

ئەوەی پێویستە بیزانیت: لە مانگی سێی ئەمساڵ پارێزگاری زیقار ئاشکرای کرد، ڕێژەی بێکاری لە پارێزگاکە 43% یە و ڕێژەی هەژاری نزیکەی 30%ە.